Bertsoak - Fitxa ikusi Atal honi buruz gehiago jakiteko
2019-12-14 Donostia Txapelketa [Bertsoa] / Beñat Gaztelumendi, Oihana Iguaran
Bertsoa entzun |
2019-12-14 Donostia Txapelketa [Bertsoa] / Beñat Gaztelumendi, Oihana Iguaran
Neurria:
Hamarreko txikia (hg) / Bost puntuko txikia (ip)
Kokapena:
XDZ - Xenpelar Dokumentazio Zentroa
O. Iguaran:
Pixkana doaz sartzen
ume eta heldu
denen ilusioa
suma dezakegu
emanaldi onena
eskeiniko degu
jendeari eskerrak
indartsu gaude gu
Udalak hustu zuna
herriak bete du. (bis)
B. Gaztelumendi:
Anaitasuna bete
degu hola-hola
lehenengo filan haur bat
baba dariola
hango musu gorria
ta horko pottola
nahiz ta aulkitan ez den
ikusten inola
ziur Enrike Maya
begira dagola. (bis)
O. Iguaran:
Akaso egongo da
gordeta, ordea
gure emanaldia
ikustea hobea
ze lehendik faltan dauka
berak umorea
eta gure hizkuntza
nahi luke gordea
ea kutsatzen zaion
gure kolorea. (bis)
B. Gaztelumendi:
Ez zaiozula jarri
horrela zepoa
kontu berezia da
udaletxekoa
berez behar lukeena
gure antzekoa
euskalduna haientzat
beti ertzekoa
haien mundua baita
zuri-beltzekoa. (bis)
O. Iguaran:
Marrazkiak bidali
genitun aurrena
ea pixkat argitzen
zitzaion barrena
ez det nere gain hartzen
Mayaren herrena
zuk begira jendeak
ze poz dakarrena
haurren irriparra da
mendeku ederrena. (bis)
B. Gaztelumendi:
Mendeku mota hontan
a ze bi aditu
ume denak txaloka
aditu, aditu!
UPNk nahi zuen
gurea gelditu
OPUSi ohi diote
errez obeditu
ta sudur gorri batek
ikaratzen ditu. (bis)
Datu-base honetan eskainitako informazioari buruz jakiteko, kontsultatu lege oharra