Bertsoak - Fitxa ikusi   Atal honi buruz gehiago jakiteko

2019-01-06 Ondarroa Jaialdia [Bertsoa] / Miren Artetxe

Bertsoa entzun  

Informazio orokorra

Kategoria
Bat-batekoa
Saioa
2019-01-06 Ondarroa Jaialdia
Gai-jartzailea
Urkiri, Bikain
Bertsolariak / Egileak
Artetxe, Miren
Lana
Bakarka gaia-emanda
Jarritako gaia
Ze polita itsasoa, bera bezalakoa izan nahi dut. Haserre, triste edo pozik, itsasoa beti itsaso.

Deskribapena

Doinua
Gogoan daukat ez du aspaldi
Neurria / Estrofaren izena
Hamarreko handia (hg) / Bost puntuko handia (ip)
Bertso kopurua
3

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

2019-01-06 Ondarroa Jaialdia [Bertsoa] / Miren Artetxe

Neurria:  Hamarreko handia (hg) / Bost puntuko handia (ip) 
Kokapena:  XDZ - Xenpelar Dokumentazio Zentroa 

M. Artetxe

Bere kresal ta bere olatu
bere zipriztin ta gandu
inoiz bareegi baldin badago
edo inoiz indarrik badu
itsasoa da beti itsaso
izaera bere kargu.
Gu ere hala ibiltzen gara
gure mareen esklabu
eta gustatu ala ez gustatu
gu ere beti gara gu. (bis)

Batzutan hain huts egoten gara
ta itsasoa horren bete!
Hari begira umiltasunez
ere maiz jantzi gaitezke
gu ere hala batzutan eman
ta batzutan indar eske
gure premia, gure grin eta
ahalegin eta neke
batzutan harro egoten gara
ta bestetan ez hainbeste. (bis)

Itsasoko ze soberakin du
gure biziko hondartzak?
Gure bizitzak biak baititu
larrosak eta arantzak
zenbat alditan zapuztu ditu
marejadak esperantzak?
Denetik baitu gure bizitzak
une goxo eta latzak
baina eskerrak barealdia
ekartzen duen ekaitzak. (bis)

Datu-base honetan eskainitako informazioari buruz jakiteko, kontsultatu lege oharra