Bertsoak - Fitxa ikusi Atal honi buruz gehiago jakiteko
2019-06-16 Anoeta Jaialdia [Bertsoa] / Amets Arzallus
| Bertsoa entzun |
2019-06-16 Anoeta Jaialdia [Bertsoa] / Amets Arzallus
Neurria:
Hamarreko handia (hg) / Bost puntuko handia (ip)
Kokapena:
XDZ - Xenpelar Dokumentazio Zentroa
A. Arzallus
Munduak berak desberdina du
bakoitzarentzat neurria
nahiz eta gure izerdia den
zazpi hoien iturria.
Hara Miarritze nola daukaten
topalekutzat jarria!
Baina ez da solik zazpikote hori
ta hoien alfonbra gorria
zeren ta hoien boto emailez
beterik dago herria. (bis)
Miarritzera joan zaitezte
egun horiez aparte
ahal baldin bada aparkatu ta
hurbildu Kasinora arte
galtza motza edo galtza luzea
edozein dela ere parte
sistema horren egitura bat
ongi jarria daukate
eska zazute zerbeza bat ta
konturatuko zerate. (bis)
Nahiz bi egunez azalduko den
zazpi horien pasarela
iruditzen zait urte osoan
gure artean daudela.
Izan zerbezen faktura edo
askoren boto papela.
Hala ere goazen gu gure txistu
gu eta gure kartela
erakustera gu zazpi baino
pixka’t gehiago garela. (bis)
Datu-base honetan eskainitako informazioari buruz jakiteko, kontsultatu lege oharra