Bertsos - View details   To know more about this section

2019-06-16 Anoeta Jaialdia [Bertsoa] / Amets Arzallus

Bertsoa entzun  

General information

Kategoria
Bat-batekoa
Performance
2019-06-16 Anoeta Jaialdia
Conductor
Sarasola, Maddi
Bertsolaris / Authors
Arzallus, Amets
Exercise
Bakarka gaia-emanda
Proposed topic
G-7ak goi bilkura egingo du Miarritzen. Herri handiak estaturik gabeko herri batera datoz.

Description

Melody
Lurraren pean sar nindaiteke
Stanza name
Hamarreko handia (hg) / Bost puntuko handia (ip)
Bertso kopurua
3

Localization

Localization
XDZ - Xenpelar Dokumentazio Zentroa
Collection / Fond / Project
Bapatean Bilduma

2019-06-16 Anoeta Jaialdia [Bertsoa] / Amets Arzallus

Stanza name:  Hamarreko handia (hg) / Bost puntuko handia (ip) 
Localization:  XDZ - Xenpelar Dokumentazio Zentroa 

A. Arzallus
Munduak berak desberdina du
bakoitzarentzat neurria
nahiz eta gure izerdia den
zazpi hoien iturria.
Hara Miarritze nola daukaten
topalekutzat jarria!
Baina ez da solik zazpikote hori
ta hoien alfonbra gorria
zeren ta hoien boto emailez
beterik dago herria. (bis)

Miarritzera joan zaitezte
egun horiez aparte
ahal baldin bada aparkatu ta
hurbildu Kasinora arte
galtza motza edo galtza luzea
edozein dela ere parte
sistema horren egitura bat
ongi jarria daukate
eska zazute zerbeza bat ta
konturatuko zerate. (bis)

Nahiz bi egunez azalduko den
zazpi horien pasarela
iruditzen zait urte osoan
gure artean daudela.
Izan zerbezen faktura edo
askoren boto papela.
Hala ere goazen gu gure txistu
gu eta gure kartela
erakustera gu zazpi baino
pixka’t gehiago garela. (bis)