Bertsoak - Fitxa ikusi   Atal honi buruz gehiago jakiteko

2019-09-21 Bera Jaialdia [Bertsoa] / Aitor Mendiluze

Bertsoa entzun  

Informazio orokorra

Kategoria
Bat-batekoa
Saioa
2019-09-21 Bera Jaialdia
Gai-jartzailea
Larretxea, Ainhoa
Bertsolariak / Egileak
Mendiluze, Aitor
Lana
Bakarka gaia-emanda
Jarritako gaia
Joan den asteko agur bat dela eta, Nafarroako bertsolari gazte bat hil baitzen, behin eta berriz entzun ditugu “Ezin dugu sinetsi!” Ez gara deus!” eta horrelakoak. Zuk uste duzu heriotzarako prest gaudela?

Deskribapena

Doinua
Baneza eta banitu
Neurria / Estrofaren izena
Hamabikoa, handiaren moldekoa, 8 puntuz (hg) / Zortzi puntukoa, handiaren moldekoa (ip)
Bertso kopurua
3

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

2019-09-21 Bera Jaialdia [Bertsoa] / Aitor Mendiluze

Neurria:  Hamabikoa, handiaren moldekoa, 8 puntuz (hg) / Zortzi puntukoa, handiaren moldekoa (ip) 
Kokapena:  XDZ - Xenpelar Dokumentazio Zentroa 

A. Mendiluze
Mundura sortu gintuzten
beraien paparrak puzten
gu beso artean eusten
ze ilusio zituzten.
Baina bizitzan joaten zaizkigu
kristalezko hormak hausten
sarri sustoak, atsekabeak
eta ametsak zapuzten.
Hiltzeak beldur haundia dakar
ez degu albora uzten
baina ez digute hori jakinda
nola bizi erakusten. (bis)

Etortzen dena joatea
da bizitzaren katea
hobe ondo eramatea
ta ezinbestean jatea.
Heriotzari begiak itxi
eta geuretzat kaltea
alperrik baita nahi izanda´re
hari bizkar ematea
alperrik degu “Ez nau beldurtzen”
harrokeriz esatea
nik nahi nukeena da iristean
damurik ez izatea. (bis)

Kezka dakar aurrenean
galdera bat barrenean
arrakala kemenean
zer pentsatu orainean
baina jarraitu behar genuke
gozatzen eta lanean
eguneroko bizitzan eta
besteekin harremanean
eguneroko hori delako
bizitzea azkenean
“Bizita joan da” esan dezaten
garaia heltzen denean. (bis)

Datu-base honetan eskainitako informazioari buruz jakiteko, kontsultatu lege oharra