Bertsoak - Fitxa ikusi Atal honi buruz gehiago jakiteko
2019-10-24 Gasteiz Jaialdia [Bertsoa] / Maialen Lujanbio, Iñaki Viñaspre
| Bertsoa entzun |
2019-10-24 Gasteiz Jaialdia [Bertsoa] / Maialen Lujanbio, Iñaki Viñaspre
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
I. Viñaspre
Aspaldian zaitut ezaguna
baina ez nago hargatik hemen
elkarrizketa egin nahi dizut
eta sakona nabarmen
beraz potente hasi gaitezen
beste ezer baino lehen
esan mundua zertan aldau den
ta onerako izan den.
M. Lujanbio
A ze nolako ametrailadora
etorri ta dena tira!
Gu izkutuan bizi izan gara
pekatu baten guztira
ez dira publiko izan gure
gustu ta gure desira
aldatu dena: orain gazteak
lotsagabeago dira.
I. Viñaspre
Lotsagabeagoak direla
hori gauza nabarmena
gauza ederra izaten baita
pertsonaren askapena.
Zehaztuko dizut ba galdera
bada behar zenuena:
zertan aldatu egin da bada
zuen aldarrikapena?
M. Lujanbio
Lehen azalaren desira zena
larrutik ordain zitekeen
“Gaizkile ta alferren legea”
Franco bizi zen dena den.
Gaur egun dena da libreago
eta eiten det hasperen
gaur egun dena da libreago
itxura baten bederen.
I. Viñaspre
Beraz bakarrik dugu itxura
espejismoen islada
edo askatasunak sortu du
gazteengana zirarra.
Azken galdera egingo dizut
ta luzatu zaitez hara:
hobera goaz baina oraindik
zertan aldatu behar gara?
M. Lujanbio
Ezin ba esan iritsi denik
nik lehen nuen helburua
sexualitate ta askatasun
beti izan da gudua.
Nahiz ta onartugo dagoen dena
ta igo ezkontza kopurua
ez dakit benetan askatu den
gorputza eta burua.
Datu-base honetan eskainitako informazioari buruz jakiteko, kontsultatu lege oharra