Bertsoak - Fitxa ikusi   Atal honi buruz gehiago jakiteko

2020-01-05 Oiartzun Jaialdia [Bertsoa] / Julio Soto

Bertsoa entzun  

Informazio orokorra

Kategoria
Bat-batekoa
Saioa
2020-01-05 Oiartzun Jaialdia
Gai-jartzailea
Agirre, Amaia
Bertsolariak / Egileak
Soto, Julio
Lana
Bakarka gaia-emanda
Jarritako gaia
Gabonak egun zailak izaten dira familia askorentzat. Eserleku hutsek eragiten duten samina eta hutsunea areagotu egiten da ospakizun garaiotan eta familian elkartzeko aitzakia diren egunotan. Preso daudelako izan daiteke, baina baita hilda daudelako ere. Eta zuk ere badakizu zerbait horri buruz. Edo zerbait baino gehiago segur aski.

Deskribapena

Doinua
Gogoan daukat ez du aspaldi
Neurria / Estrofaren izena
Hamarreko handia (hg) / Bost puntuko handia (ip)
Bertso kopurua
3

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

2020-01-05 Oiartzun Jaialdia [Bertsoa] / Julio Soto

Neurria:  Hamarreko handia (hg) / Bost puntuko handia (ip) 
Kokapena:  XDZ - Xenpelar Dokumentazio Zentroa 

Dolu bidea den desertua
gurutzatzen dabilenak
bere gogoan pentsamenduak
erabat dira hilenak
baina nahiz eta egutegiai
begiratzen ari denak
antzeko xamar nabarituko
ditun egunik gehienak
egon badaude egun batzuek
bereziago direnak. (bis)

Izan daitezke herriko festak
izan leike Olentzaro
Aste Santuko Pazko bazkari
edo bere urte aro
egun horiek bi alde dutela
ni’re probatuta nago
nahiz eta mina izaten zaizun
sekula baino minago
falta den hori sentitzen duzu
inoiz baino hurbilago. (bis)

Oroitzapenik naiz bapatean
ezin den bilakatu ke
minari eutsi nahi zenioke
baina bizi behar zuk’e
egunerokoak irensten zaitu
behin pasaz hiru-lau urte.
Hargatik data berezi hauek
txarrak direnik ez uste:
orbain txiki bat daramazula
akordarazten dizute. (bis)

Datu-base honetan eskainitako informazioari buruz jakiteko, kontsultatu lege oharra