Bertsoak - Fitxa ikusi Atal honi buruz gehiago jakiteko
2020-02-08 Bilbo Lagun-artekoa [Bertsoa] / Miren Artetxe
| Bertsoa entzun |
2020-02-08 Bilbo Lagun-artekoa [Bertsoa] / Miren Artetxe
Neurria:
Hamarreko handia (hg) / Bost puntuko handia (ip)
Kokapena:
XDZ - Xenpelar Dokumentazio Zentroa
Ja neka-neka eginda nengon
eta oherantza zuzen
baina zaratak aditu eta
ai zer pasatzen da hemen?
“A, a” ta “o, o” entzuten nuen
pareta ertzetik ozen
eta eskuak belarritara
eraman nituen ezen
berez ez ziren borroka oihuak
zoritxarrez plazerra zen. (bis)
Hormaren kontra kanka ta kanka
gauerditan zenbat saio!
Jo, hauek zenbat irauten duten
ordu erdi, ze arraio!
Berez nik ere izan nahi nuke
larrutan halaxe iaio
baina banoa tapoiak jantzi
almohada hartu ta aio.
Baina hau ez da insomnioa
inbiria esaten zaio. (bis)
Ordubete bat ia joan da
ze luzea den denbora!
nere odola ere hanketatik
pixkanaka doa gora
aldameneko bizilaguna
gaur egongo da gustora
baina zuek lasai bihar edo etzi
norbait ekarri ondora
ta mendekua hotza ez ezik
beroa ere izango da. (bis)
Datu-base honetan eskainitako informazioari buruz jakiteko, kontsultatu lege oharra