Bertsoak - Fitxa ikusi   Atal honi buruz gehiago jakiteko

2020-11-08 Etxarri-Aranatz Jaialdia [Bertsoa] / Andoni Egaña, Nerea Elustondo, Eneko Lazkoz, Maialen Lujanbio, Julio Soto

Bertsoa entzun  

Informazio orokorra

Kategoria
Bat-batekoa
Saioa
2020-11-08 Etxarri-Aranatz Jaialdia
Gai-jartzailea
Anbustegi, Fernando
Bertsolariak / Egileak
Egaña, Andoni
Elustondo, Nerea
Lazkoz, Eneko
Lujanbio, Maialen
Soto, Julio
Lana
Bosnaka gaia-emanda batek besteei
Jarritako gaia
Zu, Andoni, Iñigo Urkullu izanen zara eta besteok zure aholkulariak. Egunero batzen zarete eta hauek aholkuak, iradokizunak, ematen dizkizute. Ea gaur zerekin datozen eta zer erantzuten duzun.

Deskribapena

Doinua
Antton eta Maria I
Neurria / Estrofaren izena
Hamarreko txikia (hg) / Bost puntuko txikia (ip)
Bertso kopurua
8

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

2020-11-08 Etxarri-Aranatz Jaialdia [Bertsoa] / Andoni Egaña, Nerea Elustondo, Eneko Lazkoz, Maialen Lujanbio, Julio Soto

Neurria:  Hamarreko txikia (hg) / Bost puntuko txikia (ip) 
Kokapena:  XDZ - Xenpelar Dokumentazio Zentroa 


M. Lujanbio
Zuk beti bezelaxe
diskurtsoai ekin
zure begi zulo ta
seriedadeekin
monotonoari eutsi
ze bestela ezin
kixkiloso dabiltza
euskara gauzekin
txapatxoa jar zazu
nahiz erderaz egin (bis)

A. Egaña
Euskeraldia dator
hau da panorama!
Nere hizkuntz ohiturek
sorturik alarma
aholkulari horrek
eskutik narama
txapatxoa jartzeko
esan dit ai ama!
Lehendik badet nahikoa
txaposoan fama. (bis)

N. Elustondo
Zuk “A” esaten dezu
eta denei berdin
aspaldian federik
ez dute zurekin
baina fina zarela
badakigu jakin
ta denei baiezkoa
egin buruakin
eta ondoren zuk nahi
dezun hura egin. (bis)

A. Egaña
Eman didana ez da
aholku txepela
bere aurrean kendu
nahi nuke txapela
denei “Bai” esatea
garrantzitsu dela
batera hitz eman ta
jokatu bestela.
Beraz jarraituko det
gaur arte bezela. (bis)

E. Lazkoz
Zu zara artzaia ta
herria artalde
aspaldi egin zinen
boterean jabe
hurrena duzunean
prentsa parez pare
lasai agertu zaitez
musukorik gabe
ez da nabarituko
berdin-berdin zaude. (bis)

A. Egaña
Jaiotzez nafarra da
xelebrea hau’re
Lakuan hartu nuen
ia parez pare
bere aholku hoiek
ja soberan daude
beti azalduko naiz
musukoan jabe
ta zu geratu zera
nominarik gabe. (bis).

J. Soto
Casadok ekartzen du
Cervantes horrela
eta nabarmena da
gora doazela
hurrengo diskurtsoan
han goian zaudela
kanta zazu bertso bat
onenek bezela
ziur naiz Egañak bat
eingo lizukeela. (bis)

A. Egaña
Beraz Casadoi zera
hori ikasia
ez zen ideia txarra
ez zaude nahasia
Egañaren bertso bat
txisposo, bizia
aho zabalik uzteko
publiko guzia
baina neri falta zait
kantuan graziaaaa. (*)

(*) Azken puntua graziarik gabe, ahots apalez eta ia doinurik gabe, kantatu zuen

Datu-base honetan eskainitako informazioari buruz jakiteko, kontsultatu lege oharra