Bertsoak - Fitxa ikusi Atal honi buruz gehiago jakiteko
2020-07-17 Azpeitia Sariketa [Bertsoa] / Maider Arregi Markuleta, Ane Zuazubiskar Iñarra
| Bertsoa entzun |
2020-07-17 Azpeitia Sariketa [Bertsoa] / Maider Arregi Markuleta, Ane Zuazubiskar Iñarra
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
M. Arregi
Herriko festak badatoz eta
burua daukagu laino
erabakia hartu behar da
helduta uztaileraino
maskarillekin eta gelekin
kontua hain zaila da ño!
Nik nahiago dut ezer ez egin
erdipurdiz egin baino.
A. Zuazubiskar
Baina egin bai egin daiteke
ta momentua heldu da
nahiz kaleetan jarduna mozten
saiatu Nekane Murga
egutegian mila gauzekin
bete dezakegu uda
bateragarri izan daitezen
bizitza eta ardura.
M. Arregi
Bizitza eta ardura hemen
batera nola egon ba?
Nahiz ta pentsatzen pasatu dugun
zuk eta biok denbora
telebistetan ere gezurrek
egiten dutenez gora
foko berri bat zabaltzen bada
gure kulpa izango da.
A. Zuazubiskar
Ta gero zenbat ardura eske
ta zenbat erru berreste
Gaur Egunen ta Teleberrian
ikusten dira hainbeste!
Baina herria sumatzen baitut
zerbait egiteko eske
txukun ta neurriz egin dezagun
eredu izan gaitezke.
M. Arregi
Beraz herria jarri nahi duzu
orain eredu gisako
baina kontua ez da erraza
gaurko hontan neretzako.
Zenbat ekintza dibertigarri
ekintza anabasako!
Urtebetean atzeratzean
ez da deus ere pasako.
A. Zuazubiskar
Baina kalean ikusten bada
hainbat jende maskaradun
atzeratzen ta gaur ez egiten
Maider zertarako jardun?
Hauteskundeak iaz zirela
ez ote duzu ezagun?
Haiek gugana jarri zutena
haiengan sinets dezagun.
Datu-base honetan eskainitako informazioari buruz jakiteko, kontsultatu lege oharra