Biografiak - Fitxa ikusi Atal honi buruz gehiago jakiteko
Imanol Artola "Felix"
Datu pertsonalak
- Izena
- Artola, Imanol "Felix"
- Izen abizen osoak
- Artola Arretxe, Imanol
- Jaiotza
- 1989 Amezketa + Amezketa < Tolosaldea < Gipuzkoa < Euskal Herria
Bertsolaritzan
- Jarduera mota nagusia
- Gai-jartzailea
- Jarduerak
-
Bertso-irratsaiogilea Ikertzailea - Jarduerei buruzko azalpenak
- Gai-jartzaile eta aurkezle:
Gipuzkoako Bertsolari Txapelketa: 2015; 2019; 2024 (koordinatzaile)
Euskal Herriko Bertsolari Txapelketa Nagusia: 2022
Pello Errota Saria (Tolosaldea): 2018; 2023
Plazaz plaza hainbat jaialdi urtero (2016-...)
Bertso Irratsaiogilea:
(H)ari naizela. Tolosaldeko Ataria (2016-2026)
Ikerlanak, analisiak:
Aiztondoren zirtotsa. Taldelana. Harituz, 2021
Gai-jartzaile autorea (Julio Sotorekin). Bertsolamintza 2024
Datu biografikoak
- Biografia
- Amezketan (Gipuzkoa) jaio zen 1989ko urriaren 29an. Filosofian lizentziatua da, eta soziopolitikan eta soziolinguistikan aditua. Tolosaldeko Galtzaundi Euskara Elkartean jarduna da euskara sustatzaile hamar urtez, liberaturik; helduen euskara irakaskuntzan (AEK) egiten du lan.
Etxetik eta eskolatik datorkio hizkuntzarekin eta hoskidetasunarekin jolasteko zaletasuna, eta txikitatik landu izan ditu ahozkotasunarekin lotuta hainbat diziplina: bertsoa, antzerkia, errezitatzea, kontalaritza…
(H)arituz Tolosaldeko Bertsozaleen Elkarguneko kidea da 2012an sortu zenetik. 2015eko Gipuzkoako Bertsolari Txapelketako "Gipuzkoa Bertsotan" fasean hasi zen gai-jartzaile, aurkezle eta gai-emaile lanetan; Hernanin aurkeztu zuen lehen saioa, maiatzaren 17an, goizeko saioan. Harrezkero, Gipuzkoako Txapelketan, Bertso Egunean, Tolosaldeko sariketetan eta plaza askotan aritu da langintza horretan; 2022an jardun zen lehen aldiz Euskal Herriko Bertsolari Txapelketa Nagusian. Ohiko plazetan gehientsuen ari den gai-jartzaileetakoa da.
Gai-jartzaile jardunean nabarmendu bada ere, aipagarria da bertso-irratsaiogile gisan egindako ekarpena: (H)ari Naizela irratsaioa egin du astero, Tolosaldeko Ataria Irratian hamar urtez (2016-2026), Bertsozale Elkartearekin eta (H)arituzekin lankidetzan.
Bertso-saioez gain aurkezle lanak egiten ditu kultura-jardunaldi, hitzaldi, kirol-ekitaldi, omenaldi eta antzerakoetan ere.
