Bertsoak - Fitxa ikusi   Atal honi buruz gehiago jakiteko

2021-06-06 Lekeitio Jaialdia [Bertsoa] / Amets Arzallus

Bertsoa entzun  

Informazio orokorra

Kategoria
Bat-batekoa
Saioa
2021-06-06 Lekeitio Jaialdia
Gai-jartzailea
Intxausti, Aissa
Bertsolariak / Egileak
Arzallus, Amets
Lana
Bakarka gaia-emanda
Jarritako gaia
Zuk Kutxa Bira ekimenaren baitan idatzi zenuen: “Hizkuntza da oraingoz munduak eskaini digun bizileku bakarra”. Zuk kutxa horretan mezu bat sartu zenuen. Zer mezu espero duzu kutxa horretatik ateratzea?

Deskribapena

Doinua
Lurraren pean sar nindaiteke
Neurria / Estrofaren izena
Hamarreko handia (hg) / Bost puntuko handia (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

2021-06-06 Lekeitio Jaialdia [Bertsoa] / Amets Arzallus

Neurria:  Hamarreko handia (hg) / Bost puntuko handia (ip) 
Kokapena:  XDZ - Xenpelar Dokumentazio Zentroa 

Pentsatzen dugu: herri aske bat
ez al da inoiz posible?
Herri aske bat munduan zutik
zapalduekin sensible
ta hizkuntza da oinarri orotan
egin gaituna haurride
ideia horiek nahiz eta kutxa
barrenean egin bide
nahiago ditut handik aurrera
kutxatik kanpora libre. (bis)

Abiapuntu baino ez da kutxa
ez helmuga, ez gailurra
handik aurrera haizean gisan
dezala bidea urra
politikakin azken urteetan
daukat sinismen apurra
baina hala ere landu dezagun
hasitako bidetxurra
ta ametsak ez betetzeari
gal diezaiogun beldurra. (bis)

Epe motzean nahiz libre bide
ez egin Euskal Herriak
oraindik ere iraun dezake
jarritako oinarriak
hizkuntzak ere segitu dezan
hautsi gabe lokarriak
belaunaldiei lekuko hori
pasaz eskura harriak
geure amets zahar urratuetan
txerta ditzaten berriak. (bis)

Datu-base honetan eskainitako informazioari buruz jakiteko, kontsultatu lege oharra