Bertsoak - Fitxa ikusi   Atal honi buruz gehiago jakiteko

2021-06-29 Lasarte-Oria Jaialdia [Bertsoa] / Amets Arzallus, Lierni Rekondo

Bertsoa entzun  

Informazio orokorra

Kategoria
Bat-batekoa
Saioa
2021-06-29 Lasarte-Oria Jaialdia
Gai-jartzailea
Labaka, Maddi
Bertsolariak / Egileak
Arzallus, Amets
Rekondo, Lierni
Lana
Binaka gaia-emanda
Jarritako gaia
Azken egunetan bolo-bolo dabil Mallorcako Covid agerraldia. Herriko gazte batzuk ere ikasturte bukaerako bidaia bertan egin eta konfinatuta ditugu etxean. Amets, zu ere izan zinen Mallorcan. Ez hain justu kurtso bukaerako bidaian, baina bat-batean Lierni aztarnariaren deia jaso duzu.

Deskribapena

Doinua
Gizona da zoroa
Neurria / Estrofaren izena
Zortziko txikia (hg) / Lau puntuko txikia (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

2021-06-29 Lasarte-Oria Jaialdia [Bertsoa] / Amets Arzallus, Lierni Rekondo

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

L. Rekondo
Atsalde on barkatu
zu Amets al zara?
Rastreatzailea naiz
ta begira hara!
Mallorcan egondakok
deitzen ari gara
zer dela eta joan
zara Mallorcara? (bis)

A. Arzallus
Imsersoan bazegon
bidai bat aukeran
Bilbotikan Palmara
joateko hegan
lau marianito eta
gero pasieran
gu hola gabiltz gure
kurtso bukaeran. (bis)

L. Rekondo
Zaharrak errebelatu
dira garai honetan
bueno eta nundikan
jun zinaten bueltan?
Zeinekin egon zara
azken orduetan
bi positibo daude
"bailables" hoietan. (bis)

A. Arzallus
Batez ere egon naiz
neure buruakin
lau bermut baso, laurak
hiru izotzekin
hori zan konpainia
nahi badezu jakin
eta lo ere egin det
maskarillarekin. (bis)

L. Rekondo
Beraz ikusten zaitut
txintxoa zarela
maskarillarekin ta
beti prest zaudela
baina lo kontuakin
argitu zait bela
horrek erakusten du
hoi gezurra dela. (bis)

A. Arzallus
Algodoiaren proba
hauxe duzu tira!
Ni hoteletik ez naiz
joan urrutira
eta hamabost egun
pasa zaizkit di-da
azpiko espaloiko
obrari begira. (bis)

L. Rekondo
Beraz konfinatuta
zaude aurrez ere
prebentzio kontuetan
ari zara trebe
bueno horrela segi
hori degu xede
ta horrela jarraitu
aurrerantzen ere. (bis)

A. Arzallus
Pozik nago ez bazera
gelditu haserre
nahiz eta neri pixka´t
pazientzia erre
aireportun ein nitun
zazpi pezeerre*
eta zazpiek zioten:
“Ez dauka ezer’e”. (bis)

*PCR edo Covid froga.

Datu-base honetan eskainitako informazioari buruz jakiteko, kontsultatu lege oharra