Bertsoak - Fitxa ikusi Atal honi buruz gehiago jakiteko
2021-09-11 Azkarate (N) Jaialdia [Bertsoa] / Anjel Mari Peñagarikano
Bertsoa entzun |
2021-09-11 Azkarate (N) Jaialdia [Bertsoa] / Anjel Mari Peñagarikano
Neurria:
Zortziko txikia (hg) / Lau puntuko txikia (ip)
Kokapena:
XDZ - Xenpelar Dokumentazio Zentroa
I. Artola
Denoi gustatzen zaigu
kafea hartzea
A. M. Peñagarikano
beharrezkoa baita
pixka´t piztutzea
nahiko bazenu aizu
orain dastatzea
besterik ez daukazu
honera ekartzea.
I. Artola
Zein da kafe on batek
duen sekretua?
A. M. Peñagarikano
Alea egon behar du
ondo-ondo xehetua
kalderatik pasa ta
ondo berotua
eta ahal baldin bada
nik gonbidatua.
I. Artola
Kafeak beti uzten du
punttu bat garratza
A. M. Peñagarikano
baina hola alaitzen da
sarritan arratsa
nik ona neukan eta
hori ez da akatsa
oain ere bota didazu
enbidoa latza!
I. Artola
Kafea azukrekin
edo eta gabe
A. M. Peñagarikano
gabe hartzen dutenak
makina’at badaude
anisa botaz gero
hori igual hobe
ordun egiten gera
sasoiaren jabe.
I. Artola
Kafe orduan sarri
ideia onena
A. M. Peñagarikano
Esan dizut behar dala
ahal dan beroena
eta idea onena
beti besterena
ez zaigula gertatzen
nerea hoi da pena.
I. Artola
Erretiroa hartuta
zer moduz zabiltza?
A. M. Peñagarikano
Askoz ederragoa
da nere bizitza
beti izango banu
osasunan giltza...
Bai, baino horrenbestez
ederki gabiltza.
Datu-base honetan eskainitako informazioari buruz jakiteko, kontsultatu lege oharra