BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Señora Sariketa (1. 2021)

Saioa

2021-05-08 Lesaka Sariketa

Gai-jartzailea

Larretxea, Ainhoa

Bertsolariak / Egileak

Agirre, Amaia

Enbeita, Onintza

Lana

Binaka gaia-emanda

Jarritako gaia

Elkarrekin bizi zareten bikotea zarete. Amaia, hilabeteak dira Onintza katu bat adoptatzeko erran eta erran ibili zaizula. Astebete da katua etxeratu zenutenetik eta geroztik ikusezin bihurtu zara beretzako.

Deskribapena

Doinua

Gizona da zoroa

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

2021-05-08 Lesaka Sariketa [Bertsoa] / Amaia Agirre, Onintza Enbeita

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

A. Agirre
Katu har mistikoa
eta "Bixkor" mote
bizitzak eman dizkit
hiruzpalau kolpe
oraintxe geratu naiz
ta posible ote?
Ez zure harramazka
ez zure bigote! (bis)

On. Enbeita
Katu nabar-nabarra
ta ez da makala
begira ze xuabea
den bere azala
zerbait esan didazu
Amaia "aibala"!
Pentsatu dut katua
berbetan neukala. (bis)

A. Agirre
Ba ez ez zan katua
sorpresa-sorpresa
laister alde egingo du
eiten det promesa
ez da hain lagun ona
zure katu persa
lekutan gelditu da
Onintza "tigresa"! (bis)

On. Enbeita
Katakume txiki bi
bagina bezela
ohera joanda lo
gabiltza horrela
aspaldi esan nizun
aspertu nintzela
aliziente berri
bat behar nuela. (bis)

A. Agirre
Lehenago ez ginan ez
monja eta apaiz
baina zu konbentura
sartu zera garaiz
lagun bat ekarrita
inguratu etsaiz
hurbilduko al zera
grgrgrgr jartzen banaiz?

On. Enbeita
Erpeak aterata
jarri zara brabo
ni horren zain nengoen
Amaia luzaro
egia esan pixka bat
pixka´t bero nago
baina eske katua
oin justu lo dago! (bis)