Bertsoak - Fitxa ikusi Atal honi buruz gehiago jakiteko
2022-09-24 Getxo Txapelketa [Bertsoa] / Agin Laburu
| Bertsoa entzun |
2022-09-24 Getxo Txapelketa [Bertsoa] / Agin Laburu
Neurria:
Hamabikoa, handiaren moldekoa, 7 puntuz (hg) / Zazpi puntukoa, handiaren moldekoa (ip)
Kokapena:
XDZ - Xenpelar Dokumentazio Zentroa
Udaletxeko zinegotzia
askotan izerditan blai!
Eta ondoren aldundiraino
aukera berri baten zai
egin ditugu hamaika lagun
ta egin hamaika etsai.
Nere alderdiko talai
honetan nenbilen alai
baino lehengoa ta oraingoa
bereizitako bi garai
esandakoak eragina du
isiltzen denak ere bai! (bis)
Alde batetik bestera nahiz ta
egiten nuen jauzia
korrupzioko lokatz honetan
bukatuko da auzia.
Akusatuen artean nago
ez da nere nagusia
ni nintzen zinegotzia
alderditik egotzia
ta mendekua su motelean
izango da egosia!
Nere hitzekin idatziko det
alderdiko autopsia! (bis)
Beraz fiskalak galdetu eta
hasi behar det kantari
esku batekin helduko diot
dardarka dagon hankari.
Erantzukizun haundia daukat
hori bistan da nabari
lotzen gaituztenak hari
sendoak dira ugari
baina guztia kontatuko det
ez naiz gezurretan ari
ez det izan nahi asko bezela
Iberdrolan kontseilari. (bis)
Datu-base honetan eskainitako informazioari buruz jakiteko, kontsultatu lege oharra