Bertsoak - Fitxa ikusi Atal honi buruz gehiago jakiteko
2022-10-29 Donibane Garazi Txapelketa [Bertsoa] / Asier Azpiroz Iztueta, Aitor Etxebarriazarraga
| Bertsoa entzun |
2022-10-29 Donibane Garazi Txapelketa [Bertsoa] / Asier Azpiroz Iztueta, Aitor Etxebarriazarraga
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
A. Azpiroz
Ura debalde ez degu izaten
ez da sukaldeko kea
ta eguerdiro eukiagatik
jatetxe bete-betea
irabazia hutsala degu
sekulakoa nekea…
Munduan dagon gauz txarrena da
alperrik lan egitea.
A. Etxebarriazarraga
Hiru lehenengo, hiru bigarren
nahi badugu ematea
pasta, arrain zopa, kalamarea
xerra ala ahatea…
Nahiz eta gero iritsiko den
bezeroen atakea
beste aukerarik ez dut ikusten
eusteko kalitatea!
A. Azpiroz
Ni’re horrekin ados naukazu
ta lasai egon zaitezke
hemen jendea etortzen baita
kalitatearen eske
zuk esan dezu: ahatetxoa
konfita, xerra ta beste
gurean ondo jaten da eta
euro bat ez da hainbeste!
A. Etxebarriazarraga
Baina euroa ere seguru
digutela antzemango
nahiz aztoratu behar ditugun
berdin hemengo ta hango
kartel batean jarri dezagun
zuk hemen jatean ondo
zu agian bai, baina bestea
ez dela ondo egongo!
A. Azpiroz
Ederki dakit etxe askotan
piztu direla sirenak
hamabi euroan kitatzen ziren
lehen gure etxeko problemak
orain hamahiru kartel batean
eskatzen digu sistemak
eta azpian letra txikian
“Barkatu eragozpenak”.
A. Etxebarriazarraga
Argia, gasa ta ur fakturak
darrai izaten berdina
ta hemen denok egin beharko
dugu orain ahalegina
ez bada menu bakoitzarentzat
hobetzen mozkin marjina
hau salbatzeko beharko dugu
Lourdeseko Ama Birjina!
Datu-base honetan eskainitako informazioari buruz jakiteko, kontsultatu lege oharra