BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Txapelketa Nagusia (18. 2022)

Saioa

2022-10-29 Donibane Garazi Txapelketa

Gai-emailea

Enbeita, Zihara

Bertsolariak / Egileak

Azpiroz Iztueta, Asier

Mujika, Haritz

Lana

Binaka gaia-emanda puntutan

Jarritako gaia

Zuek biok bi nerabe zarete. Zuen herrian, etxez etxe, Seaskako egutegiak saltzea tokatu zaizue. Oraintxe hasiko duzue ibilbidea.

Deskribapena

Doinua

Ezagutu zuenak

Neurria / Estrofaren izena

Zortziko txikia (hg) / Lau puntuko txikia (ip)

Bertso kopurua

8

Edukiari buruz

Entitateak

Seaska

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2022-10-29 Donibane Garazi Txapelketa [Bertsoa] / Asier Azpiroz Iztueta, Haritz Mujika

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

H. Mujika
Berriz jarri digute
urteroko lana
A. Azpiroz
baina oso gustora
egiten dudana!
H. Mujika
Alperrik ari gera,
beraz erdi-bana!
A. Azpiroz
Lehenengo honek dauka
zuhurraren fama.

A. Azpiroz
Atea jo degu ta
irten da amona
H. Mujika
ta atzetik marmarka
seguru aitona
A. Azpiroz
“Egutegi bat degu
merkea ta ona!”
H. Mujika
Berriz erantzun digu
“Ez etorri hona!”

H. Mujika
Beraz joan beharko
ondoko atera
A. Azpiroz
beste bateri ere
txapa ematera!
H. Mujika
Ta aurpegi onarekin
ez zaigu atera
A. Azpiroz
nik behintzat hartu diot
espainol tankera!

A. Azpiroz
Honek ez du erosiko
hori det seguru
H. Mujika
putada egitea
da gure helburu.
A. Azpiroz
Eskaileretan gora
segi behar dugu
H. Mujika
honi erregalatu
egingo diogu!

H. Mujika
Seguru asko emango
diolako mina
A. Azpiroz
espainola da eta
da gauza jakina
H. Mujika
frantses ere majo du,
nolako doktrina!
A. Azpiroz
Hemen egin behar degu
Haritz ahalegina.

A. Azpiroz
Ume txiki-txiki bat
kolorea txuri
H. Mujika
jaten ez diotela
ematen dirudi!
A. Azpiroz
Euroarekin dator
ta bai eman guri
H. Mujika
Axi mutil majuak
geralako gu bi!

H. Mujika
Baina saldu deguna
da Axi bakarra!
A. Azpiroz
Ez dute egingo ez
eskola earra
H. Mujika
Seaskak badulako
gehioren beharra
A. Azpiroz
bikote hau ez degu
hortaino azkarra!

A. Azpiroz
Aldatu behar degu
gure marketina
H. Mujika
asko saltzeko ez dago
hain txukun egina
A. Azpiroz
Seaskak aberasteko
badaukanez grina
H. Mujika
hobe da Ikastola
izango bagina!