2022-11-19 Amurrio Txapelketa [Bertsoa] / Oihana Iguaran, Alaia Martin

Oihana, autoa aparkatzen ari zarela, Alaia espaloitik hasi zaizu keinuka, laguntzeko asmoz. Aurpegi txarra ipini diozun arren, tematuta jarraitu du Alaiak. Oihana, azkenean kasu egin diozu, eta lehenengo oharrarekin batera, atzeko autoari kolpe handia eman diozu.

Deskribapena

Doinua

Kantatzera nijoa

Neurria / Estrofaren izena

Zortziko txikia (hg) / Lau puntuko txikia (ip)

Bertso kopurua

Kokapena

Kokapena: XDZ - Xenpelar Dokumentazio Zentroa
Bilduma / Funtsa / Proiektua: Txapelketetako Bilduma

2022-11-19 Amurrio Txapelketa [Bertsoa] / Oihana Iguaran, Alaia Martin

Neurria: Zortziko txikia (hg) / Lau puntuko txikia (ip)
Kokapena: XDZ - Xenpelar Dokumentazio Zentroa

O. Iguaran
Azafata bat zinen
kosta zait lotzea
ta azkenerako lortu
duzu erotzea
kasu egin aurretik
on zan aitortzea
jotzea nahi zenula
atzeko kotxea. (bis)

A. Martin
Zuk aparkatzen duzu
L baten legez
bolantea helduta
halako boterez
hasieran ez zendun
nahikoa interes
egin zaidazu kasu
baina hainbeste ez! (bis)

O. Iguaran
Istripua sortuta
gainetik zuk burlan
keinua egin dezu
egoskor, mardul han!
L-a nahiz ta jantzi
nuen lehen sekulan
orain J daramat
ta ez matrikulan. (bis)

A. Martin
Egia esan nahiko
sujerente noa
aparkatzeko era
era modernoa!
Ia aterrizatu duzu
todoterrenoa
orain altxatu zazu
eskuko frenoa. (bis)

O. Iguaran
Oraindik aholkua
dakarzu buruak
kasu hau ez du hartzen
eskuliburuak
paperak egin bitez
hemen apuruak
hau pagatuko al du
zure seguruak? (bis)

A. Martin
Ez baina emango dizut
bost xentimo paga
gainetik kendu asmoz
laser begirada.
Barka hola sartzea
zure bizitzara
ertzain jubilatuak
holakoak gara. (bis)

Datu-base honetan eskainitako informazioari buruz jakiteko, kontsultatu lege oharra

BDB Bertsolaritzaren datu-basea

Bertsoak - Fitxa ikusi Atal honi buruz gehiago jakiteko