BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Txapelketa Nagusia (18. 2022)

Saioa

2022-12-18 Iruñea Txapelketa 11:00

Gai-emailea

Zaldua, Ion

Bertsolariak / Egileak

Arzallus, Amets

Mendiluze, Aitor

Lana

Binaka gaia-emanda

Jarritako gaia

Arotzak edo zurginak zarete. Aitor, ohartu zara Amets azken hilabeteetan ezkutuan kutxa bat egiten ari dela. Zertan dabilen galdetzea erabaki duzu, eta esan dizu bere hilkutxa egiten ari dela.

Deskribapena

Doinua

Gizona da zoroa

Neurria / Estrofaren izena

Zortziko txikia (hg) / Lau puntuko txikia (ip)

Bertso kopurua

6

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2022-12-18 Iruñea Txapelketa 11:00 [Bertsoa] / Amets Arzallus, Aitor Mendiluze

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

A. Mendiluze
Berrogei urte doi-doi
munduan emana
dauzkazunez kezka bat
heldu da nigana
bromatan hartu dezu
hartu dezun lana
edo zerbait dakizu
nik ez dakidana? (bis)

A. Arzallus
Mailu eta zintzelez
hor nabil jo ta ke
bere lauburu eta
bisagra ta kate
nere neurrira egin dut
dena elegante
baina zuretzat ere
balio lezake. (bis)

A. Mendiluze
Zuretzat luzeroan
buka ezinean
neretzat gehitxo behar du
hemen ixkinean
zirika izango zen
hori azken finean
biak ez gera sartzen
kutxa berdinean! (bis)


A. Arzallus
Biak batera kutxan
ze gauza sorgina!
Aitor bada egi bat
gainera gordina
kutxa honen neurriak du
ironia fina
zuk ere duzu nere
altura berdina. (bis)

A. Mendiluze
Ai! Baina materialak
kezkatuta nauka
gereziz hasi dezu
ta haritzez buka
hobe zenuen sobran
zeudenak hartuta
zu hildakoan erre
behar zaitugu ta! (bis)

A. Arzallus
Aitor zuk zuhaitzetaz
ez dakizu deusik
materiala haltza da
dena haltza kasik!
Ni hiltzen nautenean
sar nazazu pozik
eta kantatu “Haltzak
ez dauka bihotzik” (bis)