2022-03-26 Izpura Berezia [Bertsoa] / Unai Agirre Goia, Oihana Iguaran

Zu Unai, supermerkatu haundi bateko gozoen apalategia edo erraia zaitugu. Eta zu Oihana dieta baten erdian dagoen bezeroa. Tentaldiari eustea kostatzen zaion pertsona horietakoa. Eta atea zeharkatzen duzun aldi oro “Oihana!”. Hor duzu Unai, gozoen erraia deika. Dieta baten erdian gainera, beraz, inoiz baino ozenago entzuten duzu “Oihana!”. Edozein modutara zu konbentzitzen saiatuko da. Baina zure estrategia garatua duzu tentaldi horri ihes egiteko ere, “Oihana!” ja bafleetatik aditzen duzu iPhonean ipodak jarri eta musika aditzen duzun bitartean erosketak egiten ari zara baina...“Oihana!” Eta kaskoak bateriarik gabe dituzu! Nork irabaziko du supermerkatuan?

Deskribapena

Doinua

Gizona da zoroa

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena: XDZ - Xenpelar Dokumentazio Zentroa
Bilduma / Funtsa / Proiektua: Bapatean Bilduma

2022-03-26 Izpura Berezia [Bertsoa] / Unai Agirre Goia, Oihana Iguaran

Neurria: Zortziko txikia (hg) / Lau puntuko txikia (ip)
Kokapena: XDZ - Xenpelar Dokumentazio Zentroa

O. Iguaran
Hor noa azkar egin asmotan pasada
organ arroz integral, barazki, entsalada
kaskoen bateria agortu da jada
ta begiak ixtean zu agertzen zara. (bis)

U. Agirre
Denda honetan bada holako taldia
regimeneko danak erotu al dia?
Nahiz arrozera egin lehenengo galdia
hau da pasatzen zeran seigarren aldia! (bis)

O. Iguaran
Hemen seigarren aldiz omen nator aizu!
Ta aldiro begira geratzen natzaizu.
Ai zuk ere nerekin etorri nahi duzu
aldiro nata pixkat labaintzen baitzaizu. (bis)

U. Agirre
Berdin du burla egin berdin du xuxurla
bere burmuina dakit nun ta nola zula
benga Oihana maitea zuk ez disimula
biok ondo dakigu hartuko nazula. (bis)

O. Iguaran
Ai aspaldian nabil gosetu xamarrik
ta ez zait burutik joaten zure deiadarrik
begiratzeak ez du kaloria txarrik
benga! Hartuko zaitut ta usaindu bakarrik. (bis)

U. Agirre
Aurrena usaindu ta ondoren fereka
baina bere sabela dago neka-neka
benga eraman nazazu kolkoan gordeta
noizbehinka puskatuta hobea da dieta. (bis)

O. Iguaran
Tentaldi hau ezin dut jausi gabe jasan
igual hartuko zaitut pakeak har nazan
ta eramango zaitut itxia den kajan
zu usainduko zaitut ta azalorea jan. (bis)

U. Agirre
Bere buruai ezin esan dio dana
azalorea omen du mahaierako plana
baina ezin det sinistu Oihanan esana
bihar arte bizitzen izango det lana! (bis)

Datu-base honetan eskainitako informazioari buruz jakiteko, kontsultatu lege oharra

BDB Bertsolaritzaren datu-basea

Bertsoak - Fitxa ikusi Atal honi buruz gehiago jakiteko