2023-11-18 Santurtzi Txapelketa [Bertsoa] / Aitor Bizkarra, Mikel Goiriena

Aitor eta Mikel ospitaleko gela berean zagozien bi gaixo zarie. Erizainak pasau barri dira eta bakotxari toketan jatzuezan pastillak emon deutsuez. Aitor, Mikelek zureak eskatu deutsuz.

Deskribapena

Doinua

Orioko balearena

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena: XDZ - Xenpelar Dokumentazio Zentroa
Bilduma / Funtsa / Proiektua: Txapelketetako Bilduma

2023-11-18 Santurtzi Txapelketa [Bertsoa] / Aitor Bizkarra, Mikel Goiriena

Neurria: Zortziko txikia (hg) / Lau puntuko txikia (ip)
Kokapena: XDZ - Xenpelar Dokumentazio Zentroa

A. Bizkarra
Gatx erdi kroniko bat
daukat jaiotzetik
ni nintzen nengoana
txarto bihotzetik
xuxurla eiten deustazu
belarri ertzetik
zegaitik zatoz beti
zu nire atzetik? (bis)

M. Goiriena
Hortzak zorrotzak eta
odolez hortzoia
nik bihotzean daukat
kristoren sasoia
pasaidazu pastilla
gorria, marroia
ia desagertzen den
atzeko dragoia. (bis)

A. Bizkarra
Honen buru barruan
a ze pelikula!
Hartu’ixu bihotzean
daukadan pilula
uste dot maitemina
joango jatzula
baina dragoia ez da
joango sekula. (bis)

M. Goiriena
Pastilla eskatu dizut
gaur arte bi aldiz
ta eskatuko dizut
oraingoan berriz
pelikula hasteko
nago gogo handiz
Morfeo pasaidazu
has daitela Matrix. (bis)

A. Bizkarra
Zuk zer dinozun eta
ordez ze dinodan
ez zu ta ez ni bere
ez gabiz ganoran
zeuk be zeurea emon
dekozuna organ
ea kolpearekin
behingoz lo hartzen dodan. (bis)

M. Goiriena
Hemen ez da irtengo
inor ere galtzen
zu lokartu nahian ta
ni indarrak hartzen
laster hasiko zara
suabe lokartzen
Teleberri bat ere
ez zaizu geratzen. (bis)

Datu-base honetan eskainitako informazioari buruz jakiteko, kontsultatu lege oharra

BDB Bertsolaritzaren datu-basea

Bertsoak - Fitxa ikusi Atal honi buruz gehiago jakiteko