BDB Bertsolaritzaren datu-basea

Informazio orokorra

Kategoria

Bat-batekoa

Saioa

2023-07-07 Lesaka Jaialdia

Gai-jartzailea

Sanjurjo, Josu

Bertsolariak / Egileak

Alkaiza, Saioa

Lana

Bakarka gaia-emanda

Jarritako gaia

Iruñeko Herriko tabernak San Ferminetarako urtero prestatu ohi du egitarau bat. Aurten prestatua zuen egitaraua bertan behera utzi behar izan du. Izan ere, uztailaren 5ean jakinarazi zion Iruñeko Udalak Herriko Tabernari, ostatu parean oholtza antolatu eta bertan ekitaldirik gauzatuz gero, ekitaldi bakoitzarengatik 6.000 eta 60.000 arteko isuna ezarriko ziola. Iruindar bezala nola bizi duzu egoera?

Deskribapena

Doinua

Lo hadi ainguria

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

2023-07-07 Lesaka Jaialdia [Bertsoa] / Saioa Alkaiza

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

Uztailak seia eta
beldurrezko ipuina
sortzen diegulako
batzuei higuina
agintari gorena
gurean eskuina
haiena da Pamplona
gurea Iruña.*

Baina gu ezabatu
nahi gintuzkenek ai!
Legeen bidez dute
makina bat dohai
bagara ta bagaude
baino ez gabiltz lasai
bizirautea ere
haiek ez dute nahi.

Gure gainean bota
nahi lukete lohia
Herriko ezabatzeko
zelako sasoia!
Dena debekaturik
jeitsita teloia
desagertu asmotan
festa herrikoia.

Cristina Ibarrolak
nolako herentzia!
Faxisten gure baitan
ze inpotentzia
nahiz ta udalak eman
digun sententzia
herriak egin behar
erresistentzia.

Kontzertuak gaur ezin
ezta kalejira
ezta bertso saioek
dakarten diztira
instituzioetatik
debekatuz tira
baina kaleak aldiz
guretzako dira.

*Bertsotik bertsora esku zartei tarterik utzi gabe kantatu ditu bost bertsoak.