Bertsoak - Fitxa ikusi   Atal honi buruz gehiago jakiteko

2023-08-26 Hondarribia Jaialdia [Bertsoa] / Igor Elortza

Bertsoa entzun  

Informazio orokorra

Kategoria
Bat-batekoa
Saioa
2023-08-26 Hondarribia Jaialdia
Gai-jartzailea
Aizpurua, Karlos
Bertsolariak / Egileak
Elortza, Igor
Lana
Bakarka gaia-emanda
Jarritako gaia
Hondarribiako festak dira. Goizeko hirurak, seigarren gin-tonika edaten, dantzan, kantuan… zabiltzala, mugikorra begiratu, eta aspaldiko bikote ohi baten mezu berri bat duzula konturatu zara.

Deskribapena

Doinua
Aita izena kanta beharrak
Neurria / Estrofaren izena
Hamarreko handia (hg) / Bost puntuko handia (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

2023-08-26 Hondarribia Jaialdia [Bertsoa] / Igor Elortza

Neurria:  Hamarreko handia (hg) / Bost puntuko handia (ip) 
Kokapena:  XDZ - Xenpelar Dokumentazio Zentroa 

Bachata jarri dute ta nabil
harantza eta honantza
ta poltsikoan hor sentitu dut
nik dardara baten antza
eskua sartu ta mugikorra
begien parera altxa
begiratu dut izena eta
kontxo hemen da Arantza
ta esaten dit lehen baino hobeto
egiten dudala dantza. (bis)

Hori ikusi eta piztu zait
nire barruko goardia
buelta eman dut ta ematen dut
nik ia-ia erbia
hor ikusten dut Arantxa hartuta
dantzan pistaren erdia
ta pentsatu dut: noan harritu
dezadan nire herria
baina heldu naiz bere parera
ta izoztu zait gerria. (bis)

Ta bachatatik saltsa azkarrera
giroa doa in crescendo
ta ni pentsatzen dantzan sartuko
hala etxera joan sendo
kuadrillakoak ere hor dabiltz
balu, balitz ta balego
erretiratu egin naiz umil
neuretzat jan mila ego
behinola gaizki atera zena
gaur ez da ondo irtengo. (bis)

Datu-base honetan eskainitako informazioari buruz jakiteko, kontsultatu lege oharra