BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Señora Sariketa (3. 2023)

Saioa

2023-05-27 Oñati Sariketa

Gai-emailea

Larretxea, Ainhoa

Bertsolariak / Egileak

Arregi Markuleta, Maider

Txoperena, Maddi Ane

Lana

Binaka gaia-emanda

Jarritako gaia

Maddi Ane, gaueko autobus segurtasun zerbitzuko langilea eta Maider, txoferra, zarete. Oraintxe igo da kuadrilla bat autobusera.

Deskribapena

Doinua

Ezagutu zuenak

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

2023-05-27 Oñati Sariketa [Bertsoa] / Maider Arregi Markuleta, Maddi Ane Txoperena

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

M.A. Txoperena
Hor gizon kuadrilla bat
mozkorrak seguru
M. Arregi
Maddi Ane heurekin
zer egingo dugu?
M.A. Txoperena
Ba ez nuke jarri nahi
hortxe buruz buru
M. Arregi
irakurri dituzte
hainbeste liburu.

M. Arregi
Ta horretaz hizketan
ari dira hemen
M.A. Txoperena
ikusiak dituzte
hainbat neska lerden
M. Arregi
eta edan dutena
nik ez dakit zer den
M.A. Txoperena
beraien esana entzun
dezagun lehenbailehen.

M.A. Txoperena
Neska batzukin daude
hor ligatzen edo
M. Arregi
horrela ligatzerik
ez ´zazu espero
M.A. Txoperena
baboso gisan daude
ta gainera bero
M. Arregi
ni horregatik ez naiz
jadanik hetero.

M. Arregi
Buseko gidaria
nola izango da ba?
M.A. Txoperena
Ba neri egiten diate
hargatik algara
M. Arregi
amargatu didate
hauek neri gaba
M.A. Txoperena
barka ni polizia
naiz ta ez egin traba.

M.A. Txoperena
Porra dut baina ez nuke
gaur erabili nahi
M. Arregi
ba erabili ezazu
gaur neregatik bai
M.A. Txoperena
egia erran ez naiz
horretarako gai
M. Arregi
berriz esango dizut
erabili lasai!

M. Arregi
Emaiezu gogor ta
isildu itzazu
M.A. Txoperena
ni baino indartsuago
dira haiek kasu
M. Arregi
keba indartsuagoa
Maddi Ane zara zu
M.A. Txoperena
bullak neri egiten dit
orain enbarazu.

M.A. Txoperena
Ze geltokitan jeitsi
behar ote dira?
M. Arregi
Agian joango dira
Bergara erdira
M.A. Txoperena
bestela Brinkolara
edo Oñatira
M. Arregi
Oñatira heltzean
nolako mobida.

M. Arregi
Agian transbordoa
egin behar dute
M.A. Txoperena
Señoraren festara
doaz haiek nik uste
M. Arregi
beraien transbordoa
nik gurako nuke
M.A. Txoperena
benga jeits daitezela
igo bezain kutre.

M.A. Txoperena
Ze ja naukate orain
jada aspertuta
M. Arregi
ta bat-batean hasi
ez dira puntuka!
M.A. Txoperena
Haien artean egin
bezate burruka
M. Arregi
ni beraien bertsoez
nago gaur galduta.

M. Arregi
Mainontziren doinuan
dabiltza serio
M.A. Txoperena
onak direla uste
ta ze ondorio
M. Arregi
hemen bihurtu dira
gure arerio
M.A. Txoperena
bueno ja jeitsi dira
guztiei adio!