BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsoaroa (33. 2024. Iruñea)

Saioa

2024-02-28 Iruñea Jaialdia

Gai-emailea

Berriozabal, Maite

Bertsolariak / Egileak

Amuriza, Miren

Lana

Bakarka gaia-emanda

Jarritako gaia

Behar bada ez dugu hala irudikatzen baina osasungintza publikoak iraungo du. Jarraitzen dute irudiak eta estetikak izaten garrantzitsu. Orain osasun publikoak bere gain hartzen ditu ebakuntza estetikoak, zoriontsu izateko. Gustatzen ez bazaizu, aldatu! Gaur duzu laugarren ebakuntza estetikoa.

Deskribapena

Doinua

Berdindu nahi nituenez

Neurria / Estrofaren izena

Lau puntuko berdina, 8 silabaz

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

2024-02-28 Iruñea Jaialdia [Bertsoa] / Miren Amuriza

Neurria:  Lau puntuko berdina, 8 silabaz 
Kokapena:  XDZ - Xenpelar Dokumentazio Zentroa 

---

Berdindu nahi nituenez
edadearen bihurrak
hasi nintzen tiratuaz (bis)
masailetako zimurrak.

Irten nintzen ospitaletik
ta ispiluak laguntzen
begiratuta ez nuen (bis)
neure burua ezagutzen.

Bigarrenez joan nintzen
loditu nahian ezpainak
ta erdira ekartzeko (bis)
belarriak ta bekainak.

Eta berriz ispilua
eta berriro zalantza
ez nion ba neure buruai (bis)
hartu neure amaren antza?

Ta hala ere lasai ez
nahiz dirudien gezurra
falta zitzaidan bakarra da (bis)
operatzea sudurra.

Hilabete ta erdian
hauxe izan dut helburu
eta lehengo aldiz gaur (bis)
ez nago ezertaz seguru.

Kamillatik altxatu naiz
ta kirofanotik alde
ospitaleko pijamaz (bis)
eta kulerorik gabe.

Neure buruai diotzat
zoratu ote gaude gu?
Hobe terapeuta aldatu (bis)
eta sudurra mantendu.