BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Gipuzkoako Bertsolari Txapelketa (12. 2024)

Saioa

2024-12-01 Arrasate Txapelketa

Gai-emailea

Artola, Imanol "Felix"

Bertsolariak / Egileak

Rekondo Izagirre, Andoni

Lana

Bakarka gaia-emanda

Jarritako gaia

Alkatea zara. Jakin berri duzu udalean atera zenuten azken lan-deialdiari helegitea jarri diola sindikatu batek, gehiegizko hizkuntza-eskakizuna arrazoituta.

Deskribapena

Doinua

Bizkorra ez naiz baina badaukat

Neurria / Estrofaren izena

Hamahirukoa, handiaren moldekoa, 7 puntuz (hg) / Zazpi puntukoa, handiaren moldekoa (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2024-12-01 Arrasate Txapelketa [Bertsoa] / Andoni Rekondo Izagirre

Neurria:  Hamahirukoa, handiaren moldekoa, 7 puntuz (hg) / Zazpi puntukoa, handiaren moldekoa (ip) 
Kokapena:  XDZ - Xenpelar Dokumentazio Zentroa 

---

Idazkaritza postu hontarako
irekitako aukera
Comisionesek helegite bat
jartzea ez da sobera
udaletxean hauxe dugu guk
gure lanerako era
ta guztietan baldintza haundi
izango ez da ba euskera!
Gure hautua hauxe da (bis)
nahiz ta ikusi nahiko luketen
horixe dela barrera
gure etxean beti euskeraz
egin behar da harrera. (bis)

Noski badakit gureganaino
zuzentzen dutela soa
arnasgunetan atzetik dugu
espainolen marrazoa
ondo zehaztu gendun aukera
ondo zehaztu plazoa
hortxe joan zen onartua ta
neure izenpean jasoa
non dago ba arazoa? (bis)
Helegiteei aurka egiteko
nik emango det pausoa
zeren hauxe da gure kontrako
enegarren erasoa. (bis)

Helegiteak bilatzen joan
dira katean-katean
ta antza denez ez gaituztela
erraz utziko pakean
berriro mina ta gorrotoa
dator euren pasartean
euskarafobia suma daiteke
aldiro lerro artean
ta gu bien bitartean (bis)
lanean berdin jardungo gera
serioki jo ta kean
eta barrera sortu dezagun
euskaltzaleon artean. (bis)