BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Aixita Bertso Sariketa (5. 2025. Irurtzun)

Saioa

2025-05-17 Irurtzun Sariketa

Gai-jartzailea

Gartzia, Zigor "Zian"

Bertsolariak / Egileak

Sanjurjo, Josu

Servier, Aitor

Lana

Binaka gaia-emanda

Jarritako gaia

Korrikalariak zarete, lasterketa garrantzitsu batean parte hartu duzue. Zu Aitor, Josuren atzetik sartu zara helmugan; badakizu gaurkoan gau-pasaz etorrita dagoela.

Deskribapena

Doinua

Igaran egun batez

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

2025-05-17 Irurtzun Sariketa [Bertsoa] / Josu Sanjurjo, Aitor Servier

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

A. Servier
Gaurkoan dortsalari
emango diot su
Zegama bukaturik
gustora zatoz zu
nire aurretik egin
gabe estropozu
kubatari EPOa
bota al diozu?

J. Sanjurjo
Bultzatu nau gorputzak
bultzatu arimak
ongi bukatzen dira
horrelako filmak
nire parrandak dira
munduko haundinak
nahi al dituzu hartu
nire bitaminak?

A. Servier
Oraintxe Isostar bat
gero gerokoa
bitaminak hartzea
omen da jokoa
oraintxe sentitzen naiz
hau da oztopoa
ba gehiegitxo zaindu
egin den tontoa.

J. Sanjurjo
Ta nik inbidioso bat
daukat parez pare
ni zerorren aurretik
ta holaxe gaude
gau-pasaz irteteko
ze abilidade!
Horrela irteten naiz
presiorik gabe.

A. Servier
Ta presioa zer den
nik ederki dakit
zure aurretik ezin
bukatu hargatik
ni bezela zainduko
bazina gogotik
bukatuko zenuke
Kilianen aurretik.

J. Sanjurjo
Ez zaitezela hona
etorri deus eske
gau-pasaz etorri naiz
nahiz zenuen uste
hurrengoan ez zaitez
kexatu hainbeste
nerekin parrandara
etorri zaitezke.