Bertsoak - Fitxa ikusi Atal honi buruz gehiago jakiteko
2005-12-18 Barakaldo Txapelketa 16:30 [Bertsoa] / Igor Elortza, Maialen Lujanbio
2005-12-18 Barakaldo Txapelketa 16:30 [Bertsoa] / Igor Elortza, Maialen Lujanbio
Neurria:
Zortziko txikia (hg) / Lau puntuko txikia (ip)
Kokapena:
XDZ - Xenpelar Dokumentazio Zentroa
I. Elortza: Kontxo bada oraintxe
nago ni lasaien
M. Lujanbio: puska batean igual
egon behar hemen;
I. Elortza: eskiatzea gendun
txarrena Maialen
M. Lujanbio: baina txorien bista
beira zazu zer den.
M. Lujanbio: Oso ederra dago
Baqueira hemendik
I. Elortza: zuritasunak baina
beldur ematen dit
M. Lujanbio: gorritasunak pranko
gorputz guztian nik
I. Elortza: ta pentsatu behar hau
pasa behar zenik.
I. Elortza: Zeu zarela gafea
hasi naiz pentsatzen
M. Lujanbio: zuri suerte haundirik
ez zaizu tokatzen
I. Elortza: ni berriro ez nator
zugaz eskiatzen
M. Lujanbio: hartu dezun ostia
gafeana ez al zen?
M. Lujanbio: Betaurrekoak ere
puskatu zaizkizu
I. Elortza: jaustearen errua
zeurea zen aizu
M. Lujanbio: belaunak dardarka ta
gorputz dena izu
I. Elortza:
ni a toda leche
ta
parean beti zu.
I. Elortza: Eskiatzen jakin ez
eta beti traban
M. Lujanbio: badakizu pisua
nola azkar jeisten dan
I. Elortza: elur bola bat legez
ni arrapaladan
M. Lujanbio: ipurdian gainean
egin dezu laban.
M. Lujanbio: Baina orain lo egin
telesilan bertan
I. Elortza: kulunka dotorea
dago hemen bueltan
M. Lujanbio: zer egin dezakegu
horrelakoetan?
I. Elortza: Altura haundiegia
dago toki honetan.
I. Elortza: Beraz hobe genuke
gaur salto ez egin
M. Lujanbio: hezurrak puskatzeko
kolpe latz batekin
I. Elortza: mugitzen hasi da ta
joan dadila arin
M. Lujanbio: telesilako sokai
tiraka zuk ekin.
M. Lujanbio: Bagoaz ta bagoaz
gustora hala're
I. Elortza: ez azken jetsiera
Baqueiran ein gabe
M. Lujanbio: izan behar guk azken
ubelaren jabe
I. Elortza: aio ni banijoa
ezetz nire pare!
Datu-base honetan eskainitako informazioari buruz jakiteko, kontsultatu lege oharra