Bertsoak - Fitxa ikusi Atal honi buruz gehiago jakiteko
2006-06-26 Hernani Jaialdia [Bertsoa] / Sebastian Lizaso, Maialen Lujanbio
| Bertsoa entzun |
2006-06-26 Hernani Jaialdia [Bertsoa] / Sebastian Lizaso, Maialen Lujanbio
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
S. Lizaso: Plazarik plaza iristen gera
gu ohore horrenbestetan;
inoiz edo behin bertso afaritan
edo herriko festetan;
momentu denak hain ezberdinak
baitira nere ustetan
betegarriak gera batzutan
osagarriak bestetan. (bis)
M. Lujanbio: Ta gaurkoa da kasu horien
adibide borobila:
Euskal Herrian politikako
kontuez dakigu pila;
Atsegindegin bertso saioa
originala dedila
publikoa baino gehio dirudi
konzentrazio isila. (bis)
S. Lizaso: Bertsolarien lana da beti
bertsoan sua piztea
ahalikan eta dotoreena
kontatuaz albistea;
baina alperrik ateraldia
hitz-joko edo txistea
saiatu arren lortzen ez bada
zuengana iristea. (bis)
M. Lujanbio: Ta festetako bertso saiotan
zenbat zarata guztira!
Iskinan txoznak ta txurreroa
tiobibok jira-bira;
haurrak aurrean ta jolasean
dibertitzea desira;
gaur ez baino igual egunen baten
zaleak izango dira. (bis)
S. Lizaso: Horretarako gure ametsak
behar dira borobildu
eta aukera daukagunean
zer dala eta isildu?
Gaztediaren gurpil eroa
maldan ez bedi amildu!
Helduak zaintzen saia gaitezen
eta gazteak hurbildu. (bis)
M. Lujanbio: Atsegindegi jendez bete da
ta hori ez da debalde;
denak propio etorri dira
bertso entzutean alde;
kale nagusin ta andre kalean
parranda ohi da goi ta behe
askok bertsoak entzuten ditu
batere bila joan gabe. (bis)
Datu-base honetan eskainitako informazioari buruz jakiteko, kontsultatu lege oharra