Bertsoak - Fitxa ikusi Atal honi buruz gehiago jakiteko
2005-03-18 Zestoa Jaialdia [Bertsoa] / Maialen Lujanbio, Jokin Sorozabal
Bertsoa entzun |
2005-03-18 Zestoa Jaialdia [Bertsoa] / Maialen Lujanbio, Jokin Sorozabal
Neurria:
Zortziko txikia (hg) / Lau puntuko txikia (ip)
Kokapena:
XDZ - Xenpelar Dokumentazio Zentroa
J. Sorozabal:
Bizitza hau nola den
urte gutxikua
izan behar da ondo
aprotxatzekua
ta mutila izaten
aspertutakua
orain izan nahi nuke
zu bezelakua. (bis)
M. Lujanbio:
Ai egin ahal bagendu
sexua sexu truk!
Aurreztu ordun baietz
arazo latz batzuk!
Nei zer pasatzen zaidan
ulertzen dezu zuk:
ispilua beiratu
ta zu ikusten zaitut. (bis)
J. Sorozabal:
Ni hemen nago gaur zu
izan nahi nukeena
zuk berriz ez dezu nahi
baizik beste dena;
ispiluak esaten du
bakoitza zer dena;
ispilua aldatzea
gauzarik onena. (bis)
M. Lujanbio:
Edo aldatu behar
ispilu jabea
hori igual litzake
gure mesedea.
Puzzle pare bat gera
osatu gabe:
zuk nere pieza dezu
eta nik zurea. (bis)
J. Sorozabal:
Arrazoi daukazu bai
gu erdian gaude
horregatik daukagu
zerbait besten alde
eta mundu hontatik
nola egin alde
beste erdia zer dan
geuk probatu gabe? (bis)
M. Lujanbio:
Askok bere itxura
nahi luke defenda
askok pisu gehiegi
duela ta senda;
asko bere orrazkeran
fijatzen omen da
baina barruko hori
nola aldatzen da? (bis)
J. Sorozabal:
Barrua ez dela aldatzen
ai zera esaten
horixe pentsatu det
nik'e lehengo baten.
Nahiz azalai itxura
dioten ematen
ikasi ein beharko det
emakume izaten. (bis)
M. Lujanbio:
Desberdin jaiotzea
hala komeni zen;
orain zaila daukagu
gurea berdintzen.
Naizenarekin ez naiz
barruan kabitzen
ta operatzen berriz
ez naiz atrebitzen. (bis)
Datu-base honetan eskainitako informazioari buruz jakiteko, kontsultatu lege oharra