Bertsoak - Fitxa ikusi   Atal honi buruz gehiago jakiteko

2008-03-28 Zumaia Jaialdia [Bertsoa] / Sustrai Colina, Aitor Sarriegi

Bertsoa entzun  

Informazio orokorra

Kategoria
Bat-batekoa
Saioa
2008-03-28 Zumaia Jaialdia
Gai-emailea
Maia, Jon
Bertsolariak / Egileak
Colina, Sustrai
Sarriegi, Aitor
Lana
Binaka gaia-emanda
Jarritako gaia
Zuek biok sarri joaten zarete hondartzara uda nahiz negu izan. Eta batzuetan topo egiten duzue, baina ez zarete gauza berbera egitera joaten. Aitor pentsatzera, hausnartzera joaten da. Sustrai, berriz, kontrako intentzioarekin: ez pentsatzera, ez hausnartzera.

Deskribapena

Doinua
Lagundurikan danoi I
Neurria / Estrofaren izena
Hamarreko txikia (hg) / Bost puntuko txikia (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Bapatean Bilduma

2008-03-28 Zumaia Jaialdia [Bertsoa] / Sustrai Colina, Aitor Sarriegi

Neurria:  Hamarreko txikia (hg) / Bost puntuko txikia (ip) 
Kokapena:  XDZ - Xenpelar Dokumentazio Zentroa 

S. Colina: Neskakin atzo utzi
nuen eta hara!
Ama gaixorik dago
azkenetan jada.
Pauso erdi dudatiz
nator hondartzara.
Dena ahaztu nahi nuke
dena urrun laga
ta ahazteko modua
ez pentsatzea da.

A. Sarriegi: Bi pertsona ezberdin
elkartu gaurkoan
elkarren parean nahiz
elkarren ondoan.
Hondartzan ibiltzen naiz
etorri ta joan
iragana oroitu
ohi det honakoan
ta etorkizuna ikusi
nahi det harakoan.

S. Colina: Jakin zazu geroa
iragana dala
ez baduzu bizitzen
behar den bezala.
Honera ekarri dut
gaur pauso makala
nere pena guztiak
plaian utziz hala
ta hurrengo mareak
eraman ditzala!

A. Sarriegi: Baina zergatik ahaztu
zertan izan kexu?
Zertan utzi uretan
ideia ta mezu?
Olatuei begira
ipini zaitez zu
arazoei bezela
aurre egiezu
ta nola lehertzen diren
ikusiko dezu.

S. Colina: Nahiz ta gustora eman
plaiako saltoa
nahi bezain azkar ez da
isurtzen malkoa
egoera ez baita
nola-halakoa.
Aitor olatuetan
ez datza gakoa:
bueltan ekartzen dute
eramandakoa.

A. Sarriegi: Baina olatuetan
utzita problemak
urrun joan daitezke
minak eta penak.
Ni pentsatzera ta zu
ahaztera denak.
Ez dira hain ezberdinak
gure ekimenak
asko pentsatzen baitu
ahaztu nahi duenak.

Datu-base honetan eskainitako informazioari buruz jakiteko, kontsultatu lege oharra