BDB Bertsolaritzaren datu-basea

Informazio orokorra

Kategoria

Bat-batekoa

Saioa

2002-07-24 Aia Jaialdia

Gai-emailea

Peñagarikano, Anjel Mari

Bertsolariak / Egileak

Colina, Sustrai

Lujanbio, Maialen

Lana

Binaka gaia-emanda

Jarritako gaia

Maialen Perejil irla hartu duten marokoarretako bat izango zara, eta Sustrai berriro irla hori erreskatatzera joan den legionarioa.

Deskribapena

Doinua

Erreguetan ari nintzela

Neurria / Estrofaren izena

Zortziko handia (hg) / Lau puntuko handia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Bapatean Bilduma

2002-07-24 Aia Jaialdia [Bertsoa] / Sustrai Colina, Maialen Lujanbio

Neurria:  Zortziko handia (hg) / Lau puntuko handia (ip) 
Kokapena:  XDZ - Xenpelar Dokumentazio Zentroa 

---

Lujanbio:
Beti egon da hau begi-bistan
gure herritik ez aparte.
Leila islara etorri gera
ta ez da inoren kalte
porro bat errez ta menta hartuz
kalterik ez degu bat'e.
Gure uhartean patxaran gaude
perejil zuek zerate.

Colina:
Arrazoirikan ez duzu eta
hori ez al da txarrena?
Nerea dela ta ez zurea
esan nahi dizut aurrena.
Ahuntz eta guzi etorria naiz
itsaso handian barrena
berreskuratu nahi dugulako
betitik gurea dena.

Lujanbio:
Barko-militar ta guzti zatoz
inbasoreen antzera
gu hanka hutsik ta pasioan
aurrera eta atzera.
Barko-militar, kainoi ta arma
bonba, kasko eta zera
Europan inun ezin duzuen
harrotasuna azaltzera.

Colina:
Harrotasuna izan liteke
umilarentzat trantzea.
Nik betidanik defenditu dut
nere aitaren etxea.
Ez da komeni hola hastea
ez da ona ausartzea...
Konkistatzeko ez da nahikoa
trapu xixtrin bat jartzea.

Lujanbio:
Zuek trapua jarri dezute
toki ugaritan joño!
Orain Leila da ta lehen Saharan
izandu da nahiko laino.
Herri ustel ta krudelagorik
ez det ezautu gaurdaino
erori zala ohartu ez dan
inperio triste bat baino!

Colina:
Inperioak ahaztu itzazu
nigan izan nahiko fede
Espainiatik etorri bainaiz
zuregana alafede!
Ta nere alde daduzkadanez
mila arau edo lege
legeak beti dauka arrazoi
zure kalte bada ere.