Bertsoak - Fitxa ikusi Atal honi buruz gehiago jakiteko
1999-11-20 Donibane Lohizune Lagun-artekoa [Bertsoa] / Amets Arzallus, Sustrai Colina
| Bertsoa entzun |
1999-11-20 Donibane Lohizune Lagun-artekoa [Bertsoa] / Amets Arzallus, Sustrai Colina
Neurria:
Hamarreko txikia (hg) / Bost puntuko txikia (ip)
Kokapena:
XDZ - Xenpelar Dokumentazio Zentroa
A.Arzallus:
Oraina hemen eta
iragana hor da,
horregatik nahi nuke
pixka bat gogora.
Lehen eduki genuen
hainbeste ganora;
amets bat izan zela
pasa da denbora,
baina jada hazi da
sustraitikan gora.
Colina:
Hau ametsa dugunik
ez dugu usteko,
prozesuan baidaude
sustraiak tarteko.
Beraz biak gabiltza
lagunen antzeko,
ez uste gabiltzanik
elkarren menpeko;
sustraiei euts zaiogun
amesten hasteko!
A.Arzallus:
Poliki aurrerantza
goaz gu urtero
eta buruan dugu
hainbat amets bero.
Ametsa izan zela
esan egunero,
ta zuhaitz izanen da
lore den ezkero
eta fruitu ugari
emanen du gero.
Colina:
Inguruan daudenez
horrenbeste etsai,
aurrera joatea
baino ez dugu nahi.
Frogatu behar dugu
gu bagarela gai,
amets guztiei lotuz
erro eta sustrai
edo ametsik gabe
egongo da Sustrai.
A.Arzallus:
Loratzen aritu da
euskaldun baratza
eta martxa horretan
goaz aurrerantza.
Horregaitik badugu
hainbat esperantza,
zuhaitza lehen lorea
edo amets antza
ta Gobernuarentzat
amesgaizto latza.
Colina:
Itxaropen urria
ez zaigu agortu,
lehen bero zegona
ez da oino hoztu.
Kopetak altxa eta
malkoak lehortu,
helburua hau dela
behar dut aitortu:
garenetik joanez
ez garena lortu.
Datu-base honetan eskainitako informazioari buruz jakiteko, kontsultatu lege oharra