Bertsoak - Fitxa ikusi   Atal honi buruz gehiago jakiteko

2001-10-21 Donibane Garazi Txapelketa [Bertsoa] / Arkaitz Goikoetxea

Bertsoa entzun  

Informazio orokorra

Kategoria
Bat-batekoa
Aldizkako Ekitaldia (Saioarena)
Bertsolari Txapelketa Nagusia (13. 2001)
Saioa
2001-10-21 Donibane Garazi Txapelketa
Gai-emailea
Taberna, Mikel
Bertsolariak / Egileak
Goikoetxea, Arkaitz
Lana
Bakarka gaia-emanda kartzelako-lana
Jarritako gaia
Guraso gazte bat zaitugu. Etxeko erantzungailu automatikoan mezu bat jaso duzu: "Barkatu baina aspertu naiz etxean bizitzeaz, banoa eta ez nazazue bila". Zure 14 urteko alabaren mezua da. Hiru bertso nahi duzun neurri eta doinuan.

Deskribapena

Doinua
Aita izena kanta beharrak
Neurria / Estrofaren izena
Hamarreko handia (hg) / Bost puntuko handia (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Txapelketetako Bilduma

2001-10-21 Donibane Garazi Txapelketa [Bertsoa] / Arkaitz Goikoetxea

Neurria:  Hamarreko handia (hg) / Bost puntuko handia (ip) 
Kokapena:  XDZ - Xenpelar Dokumentazio Zentroa 

Horrelakorik mundu honetan
ez zaio pasa askori,
nahiz ta etxeetan izaten diren
makinatxo bat ixtori.
Hori entzun dut eta mundua
behera, gainera erori;
ama batentzat ulertzeko ere
haundiegia da hori.
Nahiz eta hala pentsatzen nuen,
dena ez dut egin ongi. (bis)

Nere alaban sentimenduak
nahi nituen irabazi,
onez onean abiatu ta
bidean erdian nahasi.
Mezu horretxek ero puntuan
ipini nau kasi-kasi;
hurren pausoa? Gogoetatik
beharko dudala hasi:
aginpideak itsutu eta
entzuten ez dut ikasi. (bis)

Gogorra da bai, zertan ukatu,
hauxe da ezin jasana!
Orain neregan hartu beharko
alabaren erasana.
Bera joan da ta hutsunea
neri bilakatu zama,
lehenago ere alabak berak
egin zuen nahi zezana;
min bat badaukat: neri aurpegira
ezer ere ez esana. (bis)

Datu-base honetan eskainitako informazioari buruz jakiteko, kontsultatu lege oharra