Bertsoak - Fitxa ikusi Atal honi buruz gehiago jakiteko
2001-10-21 Donibane Garazi Txapelketa [Bertsoa] / Amets Arzallus, Arkaitz Goikoetxea
| Bertsoa entzun |
2001-10-21 Donibane Garazi Txapelketa [Bertsoa] / Amets Arzallus, Arkaitz Goikoetxea
Neurria:
Hamarreko txikia (hg) / Bost puntuko txikia (ip)
Kokapena:
XDZ - Xenpelar Dokumentazio Zentroa
A. Arzallus:
Lehenagoko laguna
orain arerio,
mutilak deitu baitit
serio-serio;
ta nik erantzun diot
ze erremedio!
Nere mutilarekin
alta ez naiz fio;
atzo egindakoak
ez al zun balio? (bis)
A. Goikoetxea:
Telefonoan bada
nahi aina jenero,
hotzetan dena ere
ipintzen du bero.
Bi minutu nahi ditut,
bi minutu edo...
Berriro saiatzerik
nola ez espero,
atzokoan hain ongi
portatu ezkero. (bis)
A. Arzallus:
Ahotsa dardarka ta
bi masailak gorri,
hasieran jarri naiz
estu eta larri,
nere mutila dela
baitiot igarri;
telefonoan gabiltz
nahiko lotsagarri,
ta gehio nahi baduzu
honera etorri. (bis)
A. Goikoetxea:
Beti mintzatzen zera
hortik ezti-ezti,
ta ni ere jarri naiz
erabat amesti.
Hau gustagarria zait,
nola ukatu, noski;
ez naiz horra joango,
ez pentsatu gaizki,
telefonotik ere
badut eta aski. (bis)
A. Arzallus:
Hasieran entzun dut
dirring-dirring hotsa
eta ondorenean
mutilan ahotsa.
Hala ta guztiz ez naiz
ni sentitzen ontsa,
ta ez zaidazu egin
maitasun aitortza;
telefonotik ez da
sentitzen bihotza. (bis)
A. Goikoetxea:
Loreak bota dizkit
ero baten gisan,
maite ez duenantzat
ez litezke izan.
Bero-bero jarri naiz
ta ezin dut jasan;
gureak luzaroan
hola iraun dezan,
besteri holakorik
ez zaiozu esan. (bis)
Datu-base honetan eskainitako informazioari buruz jakiteko, kontsultatu lege oharra