Bertsoak - Fitxa ikusi   Atal honi buruz gehiago jakiteko

1986-03-16 Bilbo Txapelketa 11:30 [Bertsoa] / Millan Telleria, Xabier "Euzkitze"

Informazio orokorra

Kategoria
Bat-batekoa
Aldizkako Ekitaldia (Saioarena)
Bertsolari Txapelketa Nagusia (9. 1986)
Saioa
1986-03-16 Bilbo Txapelketa 11:30
Gai-emailea
Mandaluniz, Bernardo
Bertsolariak / Egileak
Telleria, Millan
Xabier "Euzkitze"
Lana
Binaka gaia-emanda
Jarritako gaia
Euzkitze nerbioetatik erabat porru eginda edo laskituta zabiltz eta hor zoaz sikiatra honengana, Telleriangana.

Deskribapena

Doinua
Gure herriko bikariuak
Neurria / Estrofaren izena
Zortziko handia (hg) / Lau puntuko handia (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Txapelketetako Bilduma

1986-03-16 Bilbo Txapelketa 11:30 [Bertsoa] / Millan Telleria, Xabier "Euzkitze"

Neurria:  Zortziko handia (hg) / Lau puntuko handia (ip) 
Kokapena:  XDZ - Xenpelar Dokumentazio Zentroa 


Euzkitze
Bertsolarien txapelketa bat
nori ez zaio inporta?
Zugana nator finalerdian
kantatzen gaur ni nago ta,
lasaitasuna eman zaidazu
orain bainago lur jota,
nerbio hauekin ez bailiteke
tajuzko bertsorik bota.
Telleria
Orain mutila lasaitu zaigu
estu genduna lehenago,
aldi batean ibili zaigu
hau nerbioen eskIabo,
kalmante eta konsejuei esker
orain oso lasai dago,
eta hargatik jasotzen ditu
nik baino puntu gehiago.
Euzkitze
Nik konfiantza banuen zugan
hurbildu nintzaizunean,
bainan gehiago lasai nazazu
Jainkoaren izenean,
oraindik ere presio asko
daukat nik aldamenean,
Retegik ere txapa jotzen du
urduri jartzen denean.
Telleria
Hilabete bat inguru bada
etorri zala etxera,
«urduri nago» esanaz hasi
zitzaidan bizketan bera,
nik esandako konsejuekin
ondo portatzen bazera,
zu Euzkitze aurtengo hontan
joango zera finalera.
Euzkitze
Beraz tratatu nahi nauzu orain
adiskide on bezela,
aitortzen dizut zure laguntzat
beti biziko naizela.
Zeharo urrun sumatu arren
Amurizaren txapela
ea zugatik lor dezakedan
finalerako txartela!
Telleria
Orain artean salto ederrik
gaztea badek egina,
bertsolai ona mutil bezela
ere bai haiz oso fina,
datorren aste hortan etxera
berriz helduko bazina,
hor Amuritzak zu izango zaitu
kontrariorik haundina.

Datu-base honetan eskainitako informazioari buruz jakiteko, kontsultatu lege oharra