Bertsoak - Fitxa ikusi Atal honi buruz gehiago jakiteko
1986-03-23 Donostia Txapelketa 17:00 [Bertsoa] / Xabier Amuriza, Jon Lopategi
| Bertsoa entzun |
1986-03-23 Donostia Txapelketa 17:00 [Bertsoa] / Xabier Amuriza, Jon Lopategi
Neurria:
Zortziko txikia (hg) / Lau puntuko txikia (ip)
Kokapena:
XDZ - Xenpelar Dokumentazio Zentroa
Amuriza
Ardo bila erten naiz
goizean etxetik,
asto zahar bat laguna
irria hortzetik,
altxa adi hortikan
kuneta ertzetik,
bizkarrean dukana
nahi al duk atzetik?
Lopategi
Zeu ere mintzo zara
asto baten eran,
errespetoa nonbait
ez duzu aukeran,
karga ez zait gustatzen
jarria naiz teman,
zeuk edateko da ta
zedorrek eraman.
Amuriza
Asto zaharrak badauka
gaur aitzaki frango,
ez duela eraman nahi
hor esana dago,
karga eramateko
kasikan prest nago
baina hik nere askatik
ez duk ezer jango.
Lopategi
Ez naiz ikaratuko
holako orruan,
esperantza bat daukat
nik neure barruan,
libre izango naizela
temaren erruan,
eta galtzu faltarik
ez da Naparruan.
Amuriza
Putza eta puzkerra
hori duk tankera,
nola ekarri haut hi
ardo ekartzera,
aitzakiak utzi ta
segi zak aurrera,
bestela tiro batez
joango haiz lurpera.
Lopategi
Harrituko lituzke
makina bat jende,
ezagutzen zaitut nik
nahikoa dexente,
karga bota dut eta
jarria naiz tente,
ostikoz jo orduko
alde derrepente.
Amuriza
Zer gertatutzen zaidan
ez leike konpreni,
asto zaharrak estuan
orain jarri nau ni,
jota bertan hiltzea
ere ez zait komeni,
zer egin behar diot
asto alu honi?
Lopategi
Zure hitzak ni jartzen
naute oso alai,
esklabo pasa ditut
hortik zenbait garai,
orain ihes noa,
nik agur eta jai,
nagusi ardozalerik
ez dut zerbitu nahi.
Datu-base honetan eskainitako informazioari buruz jakiteko, kontsultatu lege oharra