Bertsoak - Fitxa ikusi Atal honi buruz gehiago jakiteko
1989-12-03 Gernika-Lumo Txapelketa 11:30 [Bertsoa] / Xabier "Euzkitze"
1989-12-03 Gernika-Lumo Txapelketa 11:30 [Bertsoa] / Xabier "Euzkitze"
Neurria:
Hamarreko handia (hg) / Bost puntuko handia (ip)
Kokapena:
XDZ - Xenpelar Dokumentazio Zentroa
Seme-alabok zuei eskeini
dizuet nere bizia,
zuengandik dut bizi poz dena
ta jarraitzeko grazia,
lortu dudana izango al da
lege onez irabazia,
konturatu naiz, konturatzea,
ez da izan itxusia,
gaur ohartu nahiz bete-dedala
betebehar nagusia. (bis)
Nere masaila, nere kokotsa
gaur malkoa dariola,
baina ez pentsa tristuragatik
busti direnik inola,
badakit zuen bihotza ere
nerekin kontent dagola,
zuen zainetan beti izango
delako nere odola,
zabal zazute nere magalak
eskeinitako eskola. (bis)
Hamaika malko, hamaika izerdi,
zuek hezteko lanean,
bihar goizean nik ez zaituztet
izango aldamenean,
bizitza suertez izan zazute
Jainkoaren izenean,
zuen sorbaldak beharko ditut
ni samintzen naizenean,
laguntzeko prest izan mesedez
behar zaituztedanean. (bis)
Datu-base honetan eskainitako informazioari buruz jakiteko, kontsultatu lege oharra