BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Txapelketa Nagusia (10. 1989)

Saioa

1989-12-17 Donostia Txapelketa 17:00

Gai-emailea

Azkune, Laxaro

Bertsolariak / Egileak

Murua, Iñaki

Lana

Bakarka gaia-emanda kartzelako-lana

Jarritako gaia

Bizitza guztia itsasoan eman duzu: Gaur egun ohetik mugitu ezinez zaude. Leihotik sartzen zaizu itsasoaren olatu hotsa.

Deskribapena

Doinua

Begira nago jarria beraz

Neurria / Estrofaren izena

Neurri luzekoak

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

1989-12-17 Donostia Txapelketa 17:00 [Bertsoa] / Iñaki Murua

Neurria:  Neurri luzekoak 
Kokapena:  XDZ - Xenpelar Dokumentazio Zentroa 

---

Itsas haundian lan egiteko
izandu nuen aukera,
barku zaharretan ahaleginean
sarri arituak gera,
baina sasoia ez da betiko
ta erori zait gainbehera,
noa batetik bestera, (bis)
zoritxarrean gaitz batek jota
behin sartu nintzan ohera,
orain bertatik jeiki ezinik
hau da nere bukaera. (bis)

Garai batean zer arrantzale
ai zer nolako mutila,
airoso asko neramakien
egundoko arrai pila,
ta orain berriz mugitu ezin
hementxe nago isila,
bizirikan erdi hila, (bis)
itsaso amak gorde ninduen
orain artean abila,
berarengana juan nahi nuke
berriz itxaropen bila. (bis)

Jaio ezkero jakina degu
azkenik errematea,
eta niri (e)re iritsiko zait
norabaitera joatea,
baina ireki nahiko nioke
itxaropena(r)i atea,
ama itsaso maitea, (bis)
baldin badezu berriz sasoia
hartzeko borondatea,
bestela noa olatuetan
azken hatsa ernate(r)a. (bis)