Bertsoak - Fitxa ikusi Atal honi buruz gehiago jakiteko
1962-12-30 Donostia Txapelketa [Bertsoa] / Jon Azpillaga, Jose Joakin Mitxelena
1962-12-30 Donostia Txapelketa [Bertsoa] / Jon Azpillaga, Jose Joakin Mitxelena
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
Azpillagak:
Komeniya dan ertera onek
mereziya du aitzeak,
nik zaitzen ditut Donostiako
kale erdi ta ertzeak,
baserritarren ez-jakiñ orrek
ekartzen ditu galtzeak,
argi gorriyan pasatutzeak
dakazki eriotzeak.
Mitxelenak:
Donosti ontan aguazil auek
daude mesere usteko,
al baldin bada lurreratuta
iñor or ez ekusteko,
beste lanikan ez dadukazu
jornala irabazteko,
gure moduko ez-jakiñari
nondik joan erakusteko.
Azpillagak:
Baserritar au onuntz etorri
aurten Santo Tomasetan,
bere urteko errenta ori
pagatutzeko ustetan,
gero kalian nonai ibilli
berak nai duan klasetan,
alako baten ikasiko du
edukaziyua zer dan.
Mitxelenak:
Errita txarrak ein dizkidazu
litaken bide danea,
ni ez-jakiña nola bai naizen
mintzatu nazu onea,
bañan eskuan artu du gerriyan
zedukan zigor bat mea,
nik pentsatu det berau ez dala
Euskalerriko semea.
Azpillagak:
Zuk esan dezun arrazoi ori
etzate bate gustatzen,
astuak ez du zientzirikan,
ori asi naiz kontatzen,
baserritarrak kalera etorri
eta nolanai jostatzen,
kulpaik ez daukan gizaraxua
nola asiko nintzan jotzen?
Mitxelenak:
Obe ziraden ez egin bañan
amenazoaz bai burla,
esaten ziran: eskuan daukat
zigor bat oso mardula,
beste iñorekin oraindik ez det
probatu izan sekula,
nik jo-leku ona detela ta
neroni jo bear naula.
Datu-base honetan eskainitako informazioari buruz jakiteko, kontsultatu lege oharra