Bertsoak - Fitxa ikusi   Atal honi buruz gehiago jakiteko

1962-12-30 Donostia Txapelketa [Bertsoa] / Fermin Muñoa, Mattin Treku "Mattin"

Informazio orokorra

Kategoria
Bat-batekoa
Aldizkako Ekitaldia (Saioarena)
Bertsolari Txapelketa Nagusia (4. 1962)
Saioa
1962-12-30 Donostia Txapelketa
Gai-emailea
Irigoien, Alfonso
Bertsolariak / Egileak
Muñoa, Fermin
Treku, Mattin "Mattin"
Lana
Binaka gaia-emanda
Jarritako gaia
Mattin izango da neskazarra eta Fermin Muñoa Aita San Antonio Urkiolakoa. Bi bertso: neskazarra asiko da eskabidea egiten nobiyo bat nai duela, ta bi bertso, eta gero ori bukatzen dutenean, ba, gaurko jayari buruz, gaurko jayaren gañean.
Gaiari oharrak
Lehiaketaz kanpoko saioa. Irigoienen aurkezpena: "Juraduak orain erabakia artu bear du
eta ni pentsatzen egon naiz bertsolari gazte au bakarrik emen uzten baldin badegu, ba, or ibilliko
dala ardi galdua bezela. Bañan Mattin prest dago laguntzeko, eta erabakia artzen degun
bitartean, nik gai bat emango diet bñia bertso egin ditzaten, eta gero ori bukatzen dutenean
gaurko festari buruz nai dezutena esan".

Deskribapena

Neurria / Estrofaren izena
Zortziko handia (hg) / Lau puntuko handia (ip)

Kokapena

Kokapena
XDZ - Xenpelar Dokumentazio Zentroa
Bilduma / Funtsa / Proiektua
Txapelketetako Bilduma

1962-12-30 Donostia Txapelketa [Bertsoa] / Fermin Muñoa, Mattin Treku "Mattin"

Neurria:  Zortziko handia (hg) / Lau puntuko handia (ip) 
Kokapena:  XDZ - Xenpelar Dokumentazio Zentroa 

Mattin:
Neri gogoa ethorri baizaut
gazte hunen laguntzeko,
ta neri gaya emana naute
neskazarra egiteko,
orai arthian gogorik ez dut
beñe izan ezkontzeko,
bañan oraitxe norbeit nai nuke
nere anken berotzeko.

Fermin Muñoa:
Orain zartzen, asiya zaude,
lenxago ziñan gaztia,
gaurko eguneko neskatxak nai ez
zarrarikan ikustia,
ta San Antoniok pentsatu du
gauz auxen esatia:
akaso norbait etorriko zaizu,
ondo portatu zaitia.

Mattin:
Nere lagunak nekez inen du
aitona zarrain gradua,
eta neri orai jina zaut
neskazarraren gogua,
bien artian guk aiseago
pasa ginion negua,
nik oherat ekarriko dizut
kafea bero berua.

Fermin Muñoa:
Zar auri beira egoten naiz ni
klase askota pentsatzen,
denbora juan eta gero
nola ari dan sayatzen,
egunero otzikan dago,
iñola ez da berotzen,
lenago gauz ori ez al zitzaizun,
ai, mutilzar, akordatzen?

Datu-base honetan eskainitako informazioari buruz jakiteko, kontsultatu lege oharra