BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Gipuzkoako Bertsolari Txapelketa (5. 1991)

Saioa

1991-12-22 Donostia Txapelketa

Gai-emailea

Azkune, Laxaro

Bertsolariak / Egileak

Peñagarikano, Anjel Mari

Lana

Bakarka gaia-emanda kartzelako-lana

Jarritako gaia

Zu, ilunabarrean amari musu emanda zeure autoan atera zara festara, ordubiak alderako itzuliko zarela esanez. Une honetan goizeko seiak dira. Oraintxe gogoratu zara amari emandako hitzaz. Zauden egoeran zaudela, zeu zauden tokitik hiru bertso.

Deskribapena

Doinua

Maitasuna da bizi izateko

Neurria / Estrofaren izena

Neurri berezikoak

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

1991-12-22 Donostia Txapelketa [Bertsoa] / Anjel Mari Peñagarikano

Neurria:  Neurri berezikoak 
Kokapena:  XDZ - Xenpelar Dokumentazio Zentroa 

---

Musu bat eman ta sukaldean
geratu da isil-isil,
gizarajoak pentsatuko du:
"Semea nun ote dabil?"
Gure etxean gu bost gerade,
neska bat eta lau mutil.
Bizitzak zenbat maratil...
Gaixoa ez dago trankil. (bis)
Ene amatxok pentsatuko du
ni istripuz naizela hil,
ajola haundirik neri ez zait behintzat
neu ondo baldin banabil. (bis)

Gizarajoak zai egiten du
minutu eta segundo,
ez du usteko neu nabilenik
espero nun bezain ondo,
ni bezelako parranderorik
ez bait da sortu egundo,
nik dantzatzen det fandango,
rock and rolla eta tango. (bis)
"Ene Anjel Mari seme bihurria",
harek ez al du esango?
Residentzian gaixo egotea
ez zan hobea izango. (bis)

Etxetik irten ordubitako
berriz itzultzeko planez,
orain zertxobait egin behar det
amatxoren oroimenez.
Aste guztian ni aspertzen naiz
neure bertso eta lanez
ta parrandero naizenez
nik lo lasai astelehenez, (bis)
baina nerekin hogei urteko
neskatxa bat daukadanez,
nik telefonoz deituko diot
ondo nagola esanez. (bis)