BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Gipuzkoako Bertsolari Txapelketa (7. 2003)

Saioa

2003-10-25 Oñati Txapelketa

Gai-emailea

Aizpuru, Egoitz

Bertsolariak / Egileak

Eizagirre, Estitxu

Izagirre, Iñigo

Lana

Binaka gaia-emanda

Jarritako gaia

Zuek, Iñigo eta Estitxu, bikotea zarete. Estitxuk bost urte zituela oparitu zioten hartza txikiarekin egiten du lo oraindik. Une honetan hirurok ohean zaudete.

Deskribapena

Doinua

Kantatzera nijoa

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2003-10-25 Oñati Txapelketa [Bertsoa] / Estitxu Eizagirre, Iñigo Izagirre

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

I. Izagirre:
Ohera sartu zera
baba dariola
hartzezko pelutxea
maittea, potxola;
estu-estu hartu dezu
besoetan hola.
Akordatu ni ere
ohean nagola. (bis)

E. Eizagirre:
Zu´re baietz estutu
hartza hau bezela!
Hirurekin ohea
bai dela epela!
Baino uste det bere
mailan ez zaudela:
hau neri hogei urtez
izan zait fidela. (bis)

I. Izagirre:
Besterik ez du eta
ezautu oraindik
ez omen da banatu
bera zuregandik
trioari baietza
emango diot nik
baina hartzak ez dauka
iniziatibarik. (bis)

E. Eizagirre:
Zuk iniziatiba asko
gainera zakarki
ohetik ere bota
behar nauzu aurki
ta gainera marmarka
ari zera beti
honek behar danean
isiltzen badaki. (bis)

I. Izagirre:
Beraz isildu ohi da
behar dan bezala
nik proposamen bat det
ez da hain makala:
jakizu norbait asko
maitatzen dudala
ta ekarriko al det
gure etxeko txahala? (bis)

E. Eizagirre:
Hartza ta ni bikote
perfektua gara
eta txahala kontukin
zertan hasi zara?
Kasik beste ideia
hobe bat det, hara:
ikuiluan pasako
dezu gaurko gaba. (bis)