BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Gipuzkoako Bertsolari Txapelketa (7. 2003)

Saioa

2003-10-26 Ordizia Txapelketa

Gai-emailea

Goikoetxea, Irati

Bertsolariak / Egileak

Muñoa, Unai

Zubeldia, Iker

Lana

Binaka gaia-emanda

Jarritako gaia

Zu, Iker, trafikoko aztertzailea zara. Unai, gaur bosgarren aldiz dator gida baimenaren azterketa egitera eta gazta bat ekarri dizu.

Deskribapena

Doinua

Nere senarrarekin I

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2003-10-26 Ordizia Txapelketa [Bertsoa] / Unai Muñoa, Iker Zubeldia

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

I. Zubeldia:
Karnetakin zabiltza
zu nahikoa larri;
aspalditxotik dakit
mutil honen berri
ta bultza egiteko
gaztai eder horri
ardo botila on bat
gutxinez ekarri. (bis)

U. Muñoa:
Ardua ekartzeko
esan du nolanahi
eta hori entzunda
nago nahiko lasai.
Hoinbesterako presto
nola dagon Unai
aprobatu ezkero
kafea ere bai. (bis)

I. Zubeldia:
Mutilai meritorik
ezin zaio kendu
baina ondoren hitza
ezin du mantendu.
Gizona botilakin
dabile berandu
hortaz seguru nago:
bidean edan du. (bis)

U. Muñoa:
Berriz arrazoi dezu
hitz batzuen truke
karnetak eman dizkit
mila buruhauste!
Nere tripek ardoa
jada probau dute
bueltakoan beste bat
edango genuke. (bis)

I. Zubeldia:
Gazta osoa jan du
ta ni harrituta
gainera etorri da
botila hustuta;
nora joan behar zera
kotxea hartuta?
Ibili zaitez oinez
komeni zaizu-ta. (bis)

U. Muñoa:
Nahiko konfidatua
nengoen zurekin
engainatu nahiean
gazta on batekin.
Jakin, gaur etorri naiz
letxe txarrarekin
hurrena lortuko det
gaztako batekin. (bis)