BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Gipuzkoako Bertsolari Txapelketa (7. 2003)

Saioa

2003-11-02 Zumaia Txapelketa

Gai-emailea

Zaldua, Ion

Bertsolariak / Egileak

Astigarraga, Xabi

Goikoetxea, Arkaitz

Lana

Binaka gaia-emanda

Jarritako gaia

Xabier langilea etorri zaizu gaur zuri Arkaitz, nagusiari, "Basetxea" lehiaketarako hautatu dutela eta jai egunak eskatuz. Arkaitz hasita, hiruna bertso zortziko txikian.

Deskribapena

Doinua

Kantatzera nijoa

Neurria / Estrofaren izena

Zortziko txikia (hg) / Lau puntuko txikia (ip)

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2003-11-02 Zumaia Txapelketa [Bertsoa] / Xabi Astigarraga, Arkaitz Goikoetxea

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

A. Goikoetxea:
Etxe hauxe gabiltza
ezin bukatuan
eta erori zera
orain pekatuan
Basetxearekin ez
hasi zu tratuan
horrelakorik ez da
zure kontratuan. (bis)

X. Astigarraga:
Eskuzabala izan
nagusia, tira!
Deskantsatzera juan
nahi det urrutira
berrogeita bost gradu
dituzten tokira
ondoren emateko
munduari bira. (bis)

A. Goikoetxea:
Munduak zuri haundi
geratzen zaizkizu
esan horrekin sortu
duzu hainbat izu
berrogeita bost grado
ederki dakizu
telebistak burua
berotu al dizu? (bis)

X. Astigarraga:
Bakarrik eskatzen det
juteko aukera
irabazteko ere
badaukat gainera
zuretzat horren gaizki
ez dago ta aurrera
gonbidatuta joan
gaitezke batera. (bis)

A. Goikoetxea:
Ezin bukatu ditut
ez obra ta ez etxe
ta hau jai eske dator
me kaguen la letxe
ze euskal telebista
eta ze Basetxe
bihar zazpiretako
nahi zaitut hementxe.

X. Astigarraga:
Nagusiak badauka
hainbat ika-mika
ez al zera poztutzen
ni hala ikusita?
Publizidadea´re
ein leike apika
kostruktoran izena
nikian jarrita. (bis)