Bertsoak - Fitxa ikusi Atal honi buruz gehiago jakiteko
2003-12-14 Irun Txapelketa [Bertsoa] / Jon Maia
2003-12-14 Irun Txapelketa [Bertsoa] / Jon Maia
Neurria:
Neurri berezikoak
Kokapena:
XDZ - Xenpelar Dokumentazio Zentroa
Larogeita hamar urte
azkar pasa zaizkit di-da
bizitza gozatua det
merezi nuen neurrira.
Ospitalera heldu naiz
minbizi baten harira
medikuak zer emango
etena edo segida. (bis)
Gauzak bururatzen zaizkit
ta gogoa urrutira
penarik ez dut sentitzen
triste banengo sikira!
Egunak gozatu ditut
urre gorrizko bailira
bildur gabe beitzen diot
heriotzai aurpegira. (bis)
Pasilotikan datorkit
pauso hotsen oihartzuna
lehenago ere baditut
ederki hori entzuna.
Medikuak emango dit
berehala erantzuna
baina horrek ez du beteko
denbora joanen hutsuna. (bis)
Probatu det tristezia
probatu det maitasuna
probatu det erretena
ta famili batasuna
orain lore gorde hori
nola bihurtu asuna
ahal nuena egin nuen
esaidazu nahi dezuna! (bis)
Jaiotzeak heriotza
dauka destino ziurra
aspaldi uxatu nuen
destino horren beldurra.
Diagnostikoa omen
lehengo suaren egurra
baina zer dan badakit ta
hori ez da iruzurra. (bis)
Arnasa hartu nahi det ta
sartzen zait aire apurra
gainean daukat herio
azken hatsaren lapurra
sendian ez negar egin
zuritzen bazait muturra
sendagarri onena det
estaliko nauen lurra. (bis)
Datu-base honetan eskainitako informazioari buruz jakiteko, kontsultatu lege oharra