Bertsoak - Fitxa ikusi Atal honi buruz gehiago jakiteko
2003-11-16 Eskoriatza Txapelketa [Bertsoa] / Amaia Agirre, Bixente Gorostidi
2003-11-16 Eskoriatza Txapelketa [Bertsoa] / Amaia Agirre, Bixente Gorostidi
Neurria:
KOPLEN MULTZOA
Kokapena:
XDZ - Xenpelar Dokumentazio Zentroa
B. Gorostidi:
Herri batetik bestera
kantuz zenbat ibilera!
Baino denbora itxura danez
joan da aurrera.
Zatoz zaharren etxera
benetan leku txarrera
Amaia hona etortzeko aina
zahartu al zera? (bis)
A. Agirre:
Ez naiz zahartu bai zera!
Ez begiratu atzera
hona etortzeko neronek soilik
egin det aukera;
zoaz laurogei urtera
zaude betiko antzera:
zimurrek pixkat aldatu arren
irriparre bera. (bis)
B. Gorostidi:
Nahiz irriparra ahotan
bizitzarekin borrokan
betiko antzera indartsu zatoz
kolpeka, erronkan.
Biok zahar etxe hontan
izanak gera askotan
baina lehenago aritzen ginen
zaharrei bertsotan. (bis)
A. Agirre:
Hor jo didazu hordago
oroitzapenen esklabo
baina kontua ahaztuta joan
nahi det haratago.
Elkar laguntzen luzaro
aritu ginan oparo
elkarren premin geunden lehenago
ta orain gehiago. (bis)
B. Gorostidi:
Elkar behar guk nabarmen
laguntza gutxi da hemen
hil gaitezela nahi dutelako
ahal degun ondoen.
Hemen triste-triste hiltzen
jarraitzea ez da zuzen
bertso afari bat egingo al degu
anima gaitezen? (bis)
A. Agirre:
Bertso batzuk botatzera
ere animatzen zera
biko ederra egingo degu
guk biok batera.
Utzi bastoia atzera
garai bateko antzera
zure makulu ni izango naiz
hemendik aurrera. (bis)
Datu-base honetan eskainitako informazioari buruz jakiteko, kontsultatu lege oharra