Bertsoak - Fitxa ikusi Atal honi buruz gehiago jakiteko
2003-11-16 Eskoriatza Txapelketa [Bertsoa] / Estitxu Eizagirre, Maialen Lujanbio
2003-11-16 Eskoriatza Txapelketa [Bertsoa] / Estitxu Eizagirre, Maialen Lujanbio
Neurria:
KOPLEN MULTZOA
Kokapena:
XDZ - Xenpelar Dokumentazio Zentroa
M. Lujanbio:
Denbora juanan enkargu
karga haundia dakargu
ta lagun zaharrak ikuste honek
enkantua badu.
Berdin-berdinak gera gu
bueno, urte batzuk salbu
parre egiten genion hura
ailegatu zaigu. (bis)
E. Eizagirre:
Aulki berean jarrita
degu lehengokoen pinta
berriz bertsotan hasi dezagun
betiko ika-mika.
nago ezin sinetsita
hau ezusteko polita
zu aurkitzea galdu zenuen
txapela jantzita. (bis)
M. Lujanbio:
Garai bateko zirika
orain ere aldarrika
kaso egiteko iruditu zait
itxura polita.
Nere txapela jantzita
al dakat xelebre pinta?
Atzera beira bizi naiz maite
aurrera ezin-ta. (bis)
E. Eizagirre:
Lasai, buruan txapela
dezu merezi bezela
iruditzen zait lehengo Maialen
berbera zarela.
Hernani berriz horrela
zeharo aldatu dela
zabalik al da zure etxean
ein zendun hotela?
M. Lujanbio:
Entrebista bat bailitzan
nola galdezka zabiltzan
zer gertatu dan egi-egitan
hobeto det esan:
nere etxean bizitzan
brilloa asko nabari zan
hura gaztetu egin zuten ta
ni zahartu nitzan. (bis)
E. Eizagirre:
Berdin astegun eta jai
bertsoai ekin nolanahi
zahartu gera baina sekula
gu ez gera etsai.
Amondu zerala zu, ai!
Baino egon zaitez lasai
nere eredu zinan gaztetan
ta orain ere bai. (bis)
Datu-base honetan eskainitako informazioari buruz jakiteko, kontsultatu lege oharra