Bertsoak - Fitxa ikusi Atal honi buruz gehiago jakiteko
2007-10-27 Eibar Txapelketa [Bertsoa] / Ainhoa Agirreazaldegi
2007-10-27 Eibar Txapelketa [Bertsoa] / Ainhoa Agirreazaldegi
Neurria:
Hamabiko handia (hg) / Sei puntuko handia (ip)
Kokapena:
XDZ - Xenpelar Dokumentazio Zentroa
Alper-alperrik ez dira joaten
bizitzan hainbeste garai.
Beldurra daukat orain barruan
ta ausardi eza etsai.;
mediku baten esaldi batek
ez ninduen utzi lasai;
minbizia dut eta geroztik
barrua ez daukat alai;
salto egin nahi dut baina ez dakit
banaizen hortarako gai;
nik sufritzen dut baina ez dut beste
inon sufrimendurik nahi (bis)
Ingurun dauden horiengatik
nere bihotzak ze zama!
Eztenkada bat ekarrik zuen
medikuak neregana;
bi begietan beldurra dula
nere bikote laztana
ta oroimena neri doakit
nere bi haurtxoengana;
hainbeste behar eta ez dute
ondoan izango ama
ta gaur damu naiz noizbait agian
ausartegia izana. (bis)
Gauza batzutan labur samarra
geratzen zaigu eskola.
Nik bat eginda sentitzen ditut
bihotza eta oskola;
nere txikiak beste deus ere
ez zait oraintxe axola
baina buelta eman ta esango diet
"Amak zuengatik behinola
salto egin nahi zun baina ez zuen
halakoik egin inola"
ikas dezaten datorrenari
aurre egin behar zaiola. (bis)
Datu-base honetan eskainitako informazioari buruz jakiteko, kontsultatu lege oharra